O Concello de Nigrán colabora coa asociación de Empresarios da comarca 'Ovalmi' para organizar este domingo a súa primeira feira de oportunidades, que se chama "Portobelo" e terá lugar de 11.00 a 22.00 horas no parque Torrente Ballester de A Ramallosa.

O Banco de España emitiu nesta xornada unha circular na que afirma a retirada de efectivo nun caixeiro automático "constitúe un único servizo de pago, con independencia de que se realice nun caixeiro propiedade da entidade emisora da tarxeta bancaria ou doutra entidade". En consecuencia, ese servizo "só pode orixinar o cobro dunha comisión, xa sexa pola entidade emisora da tarxeta ou pola entidade propietaria do caixeiro". Deste xeito, o ente regulador dálle un tirón de orellas ás entidades bancarias que cobran comisións pola retirada de diñeiro aos usuarios que no sexan clientes do banco. AS asociacións de consumidores á vez piden multas para as entidades que apliquen este recargo.

-OVALMI organiza a primeira feira de oportunidades do Val Miñor

O próximo domingo día 2 de agosto, no paseo Torrente Ballester da Ramallosa, celebrarase a 1ª Feira de Oportunidades do Val Miñor. A iniciativa de OVALMI, o evento reunirá a máis de vinte comercios da bisbarra que ofertarán os seus saldos e produtos en eidos tan diversos como calzado, vestimenta, fogar, cosmética e informática entre outros. Todos eles, con grandes descontos, segundo sinala a web da organización.

A partir do vindeiro luns 3 de agosto estará dispoñibles as listaxes cobratorias do imposto sobre Bens Inmobles do exercicio 2015. As mesmas poranse ó dispor do público nos concellos da bisbarra e o resto da provincia dende o día 3 de agosto ao 3 de setembro de 2015, ambos inclusive, segundo publica nesta xornada o boletín provincial. A publicación sinala que os interesados, durante dito prazo, poderán examinen os mesmos, podendo presentar, no prazo dun mes, desde o 4 de setembro de 2015, as reclamacións procedentes perante a Tesourería da Deputación de Pontevedra–ORAL .

A Organización de Consumidores e Usuarios (OCU) ofrece a posibilidade de realizar unha reclamación conxunta a todos os consumidores que se viron afectados polo pacto de prezos que mantiñan 147 concesionarios de coches. Todos eles de marcas moi coñecidas condenados por "atentando contra a libre competencia". Os afectados, poden reclamar ante os tribunais directamente ou a través da OCU, tal e como informa desde o seu portal web.

A Concellería de Turismo, Cultura, Xuventude e Igualdade do Concello de Nigrán a través da OMIX e a Deputación de Pontevedra no marco de Programa Actívate 2015, organiza dous cursos de Acompañante de transporte escolar e Aplicación de técnicas de seguridade e primeiros auxilios, destinado prioritariamente a mozos e mozas de entre 16 e 35 anos empadroados en Nigrán (poderán participar persoas que non cumpran o requisito de idade ou empadroadas noutros concellos no caso de que a totalidade das prazas non fose cuberta). O curso é de balde.

O Concello de Nigrán en colaboración cos concellos de Baiona e Gondomar e en execución dunha iniciativa da Rede Eusumo integrada na Consellería de Traballo e Benestar, organiza este mes de xullo o obradoiro "A fórmula cooperativa nos servizos sociais" que amosará as vantaxes e particularidades do cooperativismo como o mellor modelo empresarial para impulsar proxectos de creación de empresa no ámbito da prestación dos servizos sociais dando a coñecer referentes cooperativos no sector e mostrando os recursos para impulsar este tipo de proxectos. Este obradoiro vai dirixido a todas aquelas persoas interesadas en impulsar proxectos sociais e na formación necesaria para poder realizalo con éxito.

Tanto a deputación como o Concello de Vigo xa tiñan comprometidos 5 millóns de euros cada un a prol da reforma do campo de fútbol de Balaídos. Na mañá deste xoves e ante a presenza do presidente do Celta, aumentaron en 10 millóns cada un a achega do erario público das súas respectivas administracións. A sinatura do convenio tivo lugar no propio Balaídos.
Louzán e o alcalde vigués, Abel Caballero, estamparon as súas firmas no documento e elixiron como escenario o mesmo centro do terreo de xogo, en Balaídos, co presidente do Celta, Carlos Mouriño, como testemuña do acordo, xunto a outras autoridades locais e a directivos de clubs de fútbol da cidade.