Se non tiveches oportunidade de seguir en directo o ‪#‎streaming‬ do debate dende o Culturgal Feira Industrias Culturais sobre "A situación dos medios en Galego" aquí tes de novo a emisión realizada polos compañeiros de K12 Comunicación

Os medios en galego reclaman unha xestión transparente das axudas e cotas de publicidade das administracións públicas nos medios de comunicación. Esixen o respecto á lingua do país como vehículo informativo e o cese inmediato da entrega de subvencións por “presunta promoción da lingua galega” ás empresas mediatas monolingües en castelán.

Xornalistas de Que Pasa Na Costa, Galicia Confidencial, Son Radio Fusión e Valminor.info compartiron unha mesa de intercambio que afondou nestes temas no transcurso da feira das industrias culturais galegas CULTURGAL, que se está a celebrar até o vindeiro domingo no Pazo da Cultura de Pontevedra.

A Rede Eusumo, en colaboración coa Concellería de Formación, Emprego, e Dinamización Económica do Concello de Gondomar, organiza o ciclo de xornadas de promoción do cooperativismo titulada "Emprender baixo a fórmula cooperativa, unha boa opción de emprendemento". Esta actividade está integrada no plan de actuación da rede para este ano 2015.
Estas xornadas terán lugar o día 28 e 29 de outubro no Concello de Gondomar. A través das mesmas preténdese amosar as vantaxes e particularidades da fórmula cooperativa como modelo empresarial máis axeitado para emprender nos momentos actuais.

O Concello de Nigrán recibe 58.000 euros da Deputación para a contratar 30 peóns forestais nos meses de novembro e decembro. A oferta procura contratar 30 persoas dende o 1 de novembro ao  31  decembro de 2015 para realizar labores de desbroza.  O acceso aos postos de traballo realizarase a través dos Servizos Públicos de Emprego. Os novos empregados terán un contrato de 35 horas semanais.

O Concello de Nigrán recibiu da Deputación de Pontevedra, a  través do II Plan de Conservación e Funcionamento de Bens Municipais, 58,390,80€ para a contratación de 30 persoas dende o 1 de novembro ao  31  decembro de 2015 para realizar labores de desbroce.

O prazo de presentación de solicitudes estará aberto ata o 16 de outubro. Os concellos Baiona, Gondomar e Nigrán poden optar a esta liña de axudas ao atoparse nos municipios da provincia de Pontevedra de menos de 20.000 habitantes

Os concellos da provincia de Pontevedra de menos de 20.000 habitantes poderán solicitar, a partir de mañá e ata o venres 16 de outubro, unha ampliación da subvención destinada a reforzar o servizo de axuda no fogar durante o ano 2015.

O Programa de Garantía Xuvenil, é unha iniciativa da Unión Europea que ten como obxectivo que os mozos e mozas de entre 16 e 29 anos que non estean cursando estudos, nin teñan formación ocupacional, nin un emprego poidan recibir a través deste programa unha oferta de emprego, un período de prácticas, unha formación de aprendiz nunha empresa ou un curso nun centro de ensinanza.

Dende a Concellería de Igualdade e través do Centro de Información á Muller (CIM), ponse en marcha a nova oferta formativa baixo a modalidade de FORMACIÓN ON-LINE. Este tipo de formación baséase nunha metodoloxía flexible coa que xa levamos traballando estes sete últimos anos.

Ao igual que en edicións pasadas os cursos serán gratuítos, de entre 150 e 50 horas,  e estarán destinados preferentemente a mulleres empregadas e desempregadas empadroadas no Concello de Gondomar. Engadir que se conta cun total de 60 prazas que serán adxudicadas por orde de formalización de inscrición, sempre e cando se cumpran cos requisitos.

Entre os anos 2007 e 2014 os documentalistas Juan Forti e mais Manuel Pedrosa fixeron un percorrido polo Val Miñor e contorna procurando respostas, pistas que axudaran a entender o fenómeno da "burbulla inmobiliaria" no país. Co eco das protestas que impediron a aprobación do PXOM especulativo de Nigrán de 2007; as resistencias aos intentos de abrir campos de golf e urbanizacións na Serra da Groba e as promesas de milleiros de empregos para levantar Porto do Molle; vai desenvolvéndose o relato do filme documental Con pés de cemento. Obra que teremos o pracer de presentar da man dos seus autores o vindeiro xoves 24 de setembro ás 20:30 horas na Aula de Cultura Ponte de Rosas (Avda. da Feira, 10 baixo, Gondomar).