La Voz de Galicia volve recibir case a metade da totalidade do diñeiro dun convenio que asinou a Consellería de Economía e do que tamén desfrutaron Faro de Vigo, El Progreso, El Correo Gallego, La Región e o Grupo La Capital.

A Xunta de Galicia, a través da Consellería de Economía, volve a darlle aos grandes grupos mediáticos do país un total de 240.000 euros procedentes dos cartos de todos os galegos que se suman a outras cantidades, tamén suculentas, que reciben doutros departamentos autonómicos.

O vicepresidente provincial, César Mosquera, insta aos concellos a buscar colectivos e asociacións cos que ir da man para aplicar a compostaxe a pequena escala nos barrios e parroquias.

O proxecto ten como obxectivo que a provincia conte con 800 instalacións de composteiros comunais ao final deste mandato. “ A intención é ir implantando de xeito gradual a compostaxe como tratamento do lixo para obter beneficios medioambientais e económicos, reducindo os custos que pagan os concellos para desfacerse dos residuos que xeran”, sinalan dende a deputación.

CIG-Autonómica considera unha “vergoña e unha apropiación indebida” este orzamento público e pide que sexan destinados aos centros da Consellería de Benestar.

A Xunta destinou 1,2 millóns a un spa, mentres que deixa sen dotacións centros sociais dependentes da Consellería de Benestar. É a denuncia que fai CIG-Autonómica que critica que as obras de rehabilitación e acondicionamento como spa viñoterapia da nave lateral do mosteiro de San Clodio leven tal cantidade de diñeiro público.

A xunta de goberno local outorga licenza para a construción dun taller de reparación e venda de vehículos seminovos en Porto do Molle

A empresa ingresa no polígono nigranés “atraída polas súas facilidades e pola próxima instalación dunha ITV”, salientan dende a administración local.

Contará inicialmente con seis empregados e dispoñerá do primeiro banco de potencia en toda a provincia de Pontevedra

O Concello de Gondomar e a Antena Cameral da Cámara de Comercio, neste municipio, presentar unha serie de curso que contarán co respaldo dun convenio cofinanciado polo Fondo Social Europeo. Xunto co Concello de Gondomar sinalan que están a  traballar “para dar resposta á demanda formativa do tecido empresarial da zona”.

Nese senso esta semana presentouse o programa de formación  empresarial para o último cuadrimestre do ano.

A Asociación de Veciños " Castro e Ladeira " de Sabarís entrega ao Banco de Alimentos de Vigo co que colabora, preto de 150 kg. de comida non perecedoira.

A mesma é resultado da doazón dos asistentes ao " II festival solidario", organizado pola asociación na tarde- noite do sábado pasado, cunha gran asistencia e un entrañable ambiente solidario.

Dublín, Milán, Bolonia e Edimburgo. Estes serán os destinos europeos que ofrece Ryanair para o aeroporto vigués de Peinador, ao que se suma o destino nacional de Barcelona.

A capital de Irlanda convértese no primeiro destino europeo de de Ryanair desde Vigo desvelado entre os catro destinos que a compañía irlandesa abrirá dende Vigo. Barcelona será o destino nacional elexido pola compañía.

A central da empresa irlandesa será o primeiro destino europeo, por tratarse dunha das bases con máis avións e destinos da aeroliña, sinalan.