Domingo, 27 Sep. 2020

Actualizado12:21:09 AM GMT

Estás en Canais Economía

Economía

Tras 23 días de mobilizacións os traballadores do Meixoeiro levantan o peche no hospital.

Correo-e Imprimir PDF

meixoeiro-2Os traballadores do Hospital Meixoeiro decidiron na tarde deste xoves rematar co peche que mantiñan no interior das instalacións para rexeitar o desmantelamento do centro médico.

Antes de desaloxar as instalación desenvolveron un acto simbólico para poñer fin a unha mobilización que se prolongou durante 23 días.

Ao mesmo tempo emitiron un comunicado onde sinalan que "A Xunta de persoal da Área sanitaria de Vigo e a plataforma "SOS Meixoeiro" comunican á opinión pública que, na Asemblea celebrada hoxe, decidimos rematar co peche na entrada do H. Meixoeiro que se iniciara o día 1 de xuño. Facemos unha valoración moi positiva do resultado desta mobilización pois fomos quen de poñer de manifesto na cidadanía a situación do H. Meixoeiro, que non é máis que o resultado da política de recortes e privatizacións da Consellería de Sanidade".

A Deputación aproba o cofinanciamento 2016 para os servizos sociais municipais

Correo-e Imprimir PDF

mans coloresAchegaranse máis de dous millóns de euros para os 53 concellos da provincia de Pontevedra de menos de 20.000 habitantes que poden así facer fronte aos servizos sociais comunitarios básicos. Os concellos miñoranos de Baiona, Gondomar e Nigrán recibirán as achegas por ter presentadas a tempo as respectivas solicitudes, segundo da conta a comunicación provincial.

A Xunta de Goberno vén de aprobar o Plan de Cofinanciamento dos Servizos Sociais Comunitarios Municipais en 2016 para os cincuenta e tres concellos da provincia de menos de 20.000 habitantes, cun importe global de 2.120.177,43 €. A finais de maio rematou o prazo para que os municipios presentasen as súas solicitudes para adherirse a este Plan, polo que agora a Deputación lle dá o visto bo. Así mesmo, o Goberno provincial aprobou o pagamento anticipado do 35% do importe das achegas concedidas aos concellos ao abeiro deste plan, en concreto, un total de 742.061,95 € para os cincuenta e tres municipios.

Estudantes de FP poderán beneficiarse de becas para prácticas no estranxeiro nun plan provincial.

Correo-e Imprimir PDF

xunta goberno depoA Deputación de Pontevedra anuncia un investimento de 800 mil euros co obxectivo de por en marcha proxecto Erasmus + Practicum Depo 2016 que permitirá a máis dun centenar de estudantes e cinco docentes de ciclos medios de formación profesional realizar prácticas en empresas e institucións estranxeiras.

A Xunta de Goberno da Deputación de Pontevedra ven de aprobar o proxecto Erasmus + Practicum Depo 2016 para o que a Dirección do Servizo Español para a Internacionalización da Educación (SEPIE) colaborará e permitirá a estudantes maiores destes ciclos, maiores de 18 anos achegarse a mercados laborais como o de Reino Unido, Irlanda, Italia, Malta, Portugal, Países Baixos e Finlandia.

Deputación: Afirman ter desmontado o anterior sistema “Louzán” de reparto de axudas ás asociacións.

Correo-e Imprimir PDF

carmela silvaA nova administración provincial da socialista Carmela Silva denunciou esta fin de semana que o antecesor Rafael Louzán (PP) empregaba partidas de axudas para actividades asociativas "para subvencionar indirecta e irregularmente competencias propias dos concellos, fundamentalmente do PP, e outras moitas que nin lle competen á institución provincial nin ós propios concellos, xa que lle corresponden a institucións como a Xunta de Galicia ou a Igrexa".

Asegura que entre outras cuestións, a través do PAC (Plan de Acción Comunitaria), o ex presidente Louzán chegou a repartir recursos da Deputación para reparar "necesidades" como "tellados de igrexas, andas de imaxes relixiosas, adquirir menaxe para cociñas, mercar sinais de tráfico, crear zonas de esparexemento, o incluso procurar a mellora dos biótopos de coellos. Tamén chegáronse a realizar a través do PAC obras municipais (ampliacións de camiños, parques infantís, construcións de aseos e mellores en centros sociais municipais, etc.), a maioría delas sen licenzas e de xeito irregular".

Afirma que a nova administración provincial vai racha "co modelo clientelar e arbitrario" que se aplicaba nas adxudicacións do antigo PAC. Así instrumentará o chamado Plan Concellos que integra os fondos que o ano pasado se destinaron ó PAC "para que sexan os propios municipios os que decidan onde investir os recursos".

OVALMI organiza encontro de asociados en Porto do Molle

Correo-e Imprimir PDF

porto do molleO próximo día 5 de xullo a partir das 19.30 horas no Centro de Negocios de Porto do Molle, a Asociación de Empresarios do Val Miñor, OVALMI, organizará o I Reunión de Negocios. Unha iniciativa gratuíta dirixida a profesionais e empresarios membros da Asociación para fomentar o coñecemento persoal entre os asociados e dos servizos ou produtos que comercializan e estreitar relacións entre eles.

Preséntase en Nigrán “Nosa Enerxía”, a primeira cooperativa galega enerxética.

Correo-e Imprimir PDF

promotores nosa enerxiaA primeira cooperativa enerxética galega "Nosa Enerxía" será presentada este venres 22 de abril nun acto aberto no Auditorio de Nigrán ás 20 horas.
Nosa Enerxía preséntase como "a primeira cooperativa galega que ten por obxecto a comercialización de enerxía eléctrica de orixe renovable certificada, apostando pola sustentabilidade enerxética e por unha xestión transparente".

Inscricións abertas para un curso de cestería tradicional en Chandebrito

Correo-e Imprimir PDF

cestosA Asociación "Chandebrito 1807", abre inscricións para un curso de cestería tradicional de madeira e vimbio, que terá lugar na Escola Infantil de Chan de Brito na Rúa da Igrexa 2.

Datas e horario: Tódolos luns dende o 1 de Febreiro ata o 28 de Marzo, de 18:00 a 20:30 h.
Inscricións: No correo-e Este enderezo de correo-e está a ser protexido de robots spamers, precisas activar o JavaScript para velo indicando nome e apelidos, número de teléfono, lugar de residencia, e enderezo de correo electrónico.

Publican as bases para optar por algunha das 200 bolsas de traballo na provincia de Pontevedra.

Correo-e Imprimir PDF

pontevedradiputacion 430O BOP publicou as bases para optar a 200 bolsa de traballo. As mesmas están destinadas a persoas con títulos universitarios ou de formación profesional, segundo os casos, sen experiencia laboral previa no ámbito da súa titulación.

“Quen queres que che goberne, Rajoy ou a Coca Cola?” O TTIP a debate en Gondomar.

Correo-e Imprimir PDF

stop-ttip-generic-fbA pregunta ben podería inspirar unha enquisa en todo o Estado. Os Estados Unidos e a Unión Europea levan dende o 2013 mantendo negociacións cara a sinatura dun tratado de libre comercio coñecido como a Asociación Transatlántica de Comercio e Inversión TTIP (siglas inglesas de Transatlantic Trade and Investment Partnership). A súa execución permitiría a formación dun gran bloque integrado por ambas as dúas economías que xuntas suman cerca do 60% do PIB mundial, un terzo do comercio internacional de bens e servizos e 800 millóns de consumidores. Mais a gobernanza deste bloque podería caer en mans de lobbys e os grandes grupos económicos, máis que nos estados e nacións asinantes do convenio.

JPAGE_CURRENT_OF_TOTAL