O sindicato alerta que a insuficiencia de persoal que sufre o ente provocará dende atrasos na entrega da correspondencia até deixar sen reparto diario á cidadanía na época estival. Afirman que Correos ten "un verdadeiro" problema de insuficiencia de persoal. Atranco acrecentado pola redución da contratación para verán, segundo os traballadores. Nese senso advirten que os efectos na interna do ente redundarán nunha sobrecarga de tarefas para os operarios, nalgúns casos de dimensións" inasumibles". Entenden os traballadores que todo isto implica un "claro incumplimiento do servizo postal universal público".

Nesta xornada tivo lugar a inauguración en Porto do Molle da XIII Conferencia Internacional da Asociación de Parques Científicos e Tecnolóxicos de España. O acto celebrouse na sede da Citexvi (A Cidade Tecnolóxica de Vigo) coa presenza de Francisco Conde (Consellaría de Economía e Industria), o alcalde de Nigrán Juan González e autoridades de Zona Franca e o ámbito industrial. Na apertura do encontro, Conde salientou o rol clave que desempeñan estes parques, como o de Porto do Molle "como imáns do talento, do progreso e do emprego para a Galicia do futuro".

O Auditorio Municipal Lois Tobío de Gondomar acollerá un ciclo de obradoiros interactivos para cativos de 10 a 12 anos co dobre obxecto de mellorar o inglés e as dotes musicais dos participantes. Os especialistas a cargo desta actividade destinarán á campaña a prol do ex alumno do Conservatorio de Música de Gondomar, Aarón Siebert, que procura continuar estudos nunha universidade estadounidense.

Este luns 8 de xuño tivo lugar a entrega dos premios "Mellores Bocados 2015" coa que a asociación de empresarios miñoranos OVALMI agasallou aos comercios destacados neste evento desenvolvido en Nigrán. A gala tivo lugar nas instalacións de Adegas Val Miñor onde celebrouse unha comida con visita á adega incluída.

Os días 20 e 21 de xuño de 2015 celebrarase na antiga escola de Chandebrito a segunda edición do obradoiro de pan ecolóxico da parroquia, organizado pola Asociación "Chandebrito 1807". Na mesma explicarase cales son as bases da elaboración do pan na casa e cales son os principais problemas que poden xurdir así como poden solucionalos. É obxectivo do obradoiro chegar a coñecer as virtudes nutritivas do pan biolóxico feito con formento e do pan de landra. Tamén recuperar antigas formas de elaboración do pan que permitan a autosuficiencia para o control da alimentación persoal , permitindo facer un pan san e nutritivo.

Esta semana comezan as viaxes de xeito regular ás illas Cíes, despois de que en maio só houbese visitas durante as fins de semana, a partir de agora amplíase o horario, haberá catro saídas diarias dende Bueu, Vigo, Cangas e Baiona, ata xullo e agosto que aumentarán. Dende Vigo sairán 10 viaxes, oito dende Cangas e seis dende Baiona.

Cociña internacional e "A Internet e correo electrónico" son os cursos ofertados. Organizados pola asociación veciñal San Martiño de Borreiros, este cursos conta co respaldo da Deputación de Pontevedra no marco dos programas "Pensa en ti" e "Ti tamén contas" repectivamente. Duración 30 horas.

A oferta aínda non está na web oficial da empresa, pero si nas redes sociais. Veciños do Val Miñor fotografaron os carteis coa oferta da empresa colgados nas ventás deste supermercado en Porto do Molle. Apenas leva uns días, mais xa provocou un efecto viral pola falta de emprego na zona. Os interesados/as deben pasar por este supermercado de Porto de Molle a retirar o formulario de solicitude correspondente.