A partir do vindeiro luns 3 de agosto estará dispoñibles as listaxes cobratorias do imposto sobre Bens Inmobles do exercicio 2015. As mesmas poranse ó dispor do público nos concellos da bisbarra e o resto da provincia dende o día 3 de agosto ao 3 de setembro de 2015, ambos inclusive, segundo publica nesta xornada o boletín provincial. A publicación sinala que os interesados, durante dito prazo, poderán examinen os mesmos, podendo presentar, no prazo dun mes, desde o 4 de setembro de 2015, as reclamacións procedentes perante a Tesourería da Deputación de Pontevedra–ORAL .
O período voluntario de cobranza para Baiona, Gondomar e Nigrán e o resto dos concellos adheridos, será do 3 de agosto ao 15 de outubro do ano 2015, ámbalas dúas datas inclusive.
O prazo límite de ingreso será o día 15 de outubro de 2015 no horario de caixa de cada entidade bancaria colaboradora.
O texto provincial advirte que os contribuíntes que a 1 de outubro de 2015 non tivesen recibido nos seus domicilios os instrumentos de ingreso disporán de prazo ata o 15 de outubro de 2015 para os solicitar nas oficinas indicadas e efectua-lo pagamento nas entidades bancarias ou nos Servizos Centrais, posto que a non recepción non exonera da obriga do pagamento nin impide a utilización da vía de prema.
