- UCN-CDL entende que terá lugar un conflito de “consecuencias imprevisibles” de non atoparse unha solución inmediata ao problema das preferentes.
- O voceiro Antonio Fernández Comesaña sinala que nun país “medianamente serio” os malos xestores e políticos responsables “ xa estarían no cárcere”.
“O noso grupo UCN-CDL, sitúase claramente de parte dos afectados pola estafa das participacións preferentes e subordinadas, tal e como manifestamos no pasado pleno”, sinalou Fernández Comesaña ao ser consultado polos últimos incidentes producidos no pleno de Nigrán. O voceiro afirmou que “entendemos a súa indignación logo de tantos meses loitando para conseguir que se devolvan integramente os depósitos retidos en Novagalicia Banco, que foron estafados e sorprendidos na súa boa fe é, pola confianza depositada nos directores das entidades bancarias, e que ven como pasa o tempo sen alcanzar solución algunha, polo que crece a súa indignación e ven con rabia e impotencia unha inminente quita aos seus aforros que inxustamente pretenden levar a cabo”.
O PP desenténdese das promesas electorais aos aforristas.
Nese senso, o concelleiro centrista criticou ao Partido Popular por relentizar as arbitraxes
“nestes momentos existen reclamacións con máis de 8 meses que aínda non se resolveron, situación que está crispando o ambiente entre os afectados que se sinten, non só estafados, senón tamén enganados e utilizados para obter réditos electorais, e que agora parecen querer desentenderse”, puntualizou.
Para que os políticos escoiten hai que poñer “as cousas patas para arriba”
Fenández Comesaña lamentou que para que os políticos escoiten as demandas a xente se vexa antes na obriga de poñer “as cousas patas para arriba”. Entende que isto está a pasar claramente no caso dos aforristas: “Os afectados xa non aguantan máis, están ao límite e en calquera momento pode estalar o conflito e de consecuencias imprevisibles”, alertou.
UCN-CDL esixe ao PP e ao PSOE “que canto antes busquen unha solución” e obriguen a entidade bancaria a que devolva “de forma inmediata e integramente os aforros aos afectados, ben de forma directa, ou a través do fondo de garantía de depósitos”.
O portavoz centrista afirmou que os aforradores non son culpables da mala xestión das caixas “nin moito menos da súa creba. Existen responsables, uns por acción e outros por omisión”.
Para UCN-CDL o PSOE é tamén responsable.
Neste punto tamén responsabilizou ao PSOE, no entendido de foi este partido o que permitiu “que se perpetrase esta estafa e agora póñense detrás da pancarta. O primeiro que tiñan que facer é pedir perdón pola súa complicidade coa Banca, e despois poñerse á beira do goberno para traballar xuntos en buscar unha solución”.
O voceiro Antonio Fernández Comesaña sinalou que nun país “medianamente serio” os malos xestores e políticos responsables “ xa estarían na cárcere”