Preto de 150 actividades difundirán a literatura e a cultura galegas na Feira do Libro de Buenos Aires 2016. O diálogo entre autores galegos e arxentinos centran a programación coa que Galicia intentará proxectar o sector editorial neste evento de referencia internacional, que ten como cidade convidada a Santiago de Compostela. Tamén albergarán unha parte da programación espazos xestionados pola colectividade, como a Federación de Asociaciones Gallegas da República Arxentina, o Centro Galicia, o Instituto Arxentino-Galego Santiago Apóstol e diversas casas e centros galegos da cidade.
Preto de trinta autoras e autores galegos participarán nos coloquios, recitais poéticos, conferencias, presentacións de obras e encontros cos lectores que se realizarán do 21 de abril ao 9 de maio en diferentes espazos da cidade porteña. Unha vintena de editoriais de Galicia exhibirán e comercializarán a súa produción neste evento considerado pola Consellería de Cultura como "unha das citas culturais máis relevantes de América Latina".
(Adjunta á nota o programa oficial completo da participación galega na Feira)
| File |
|---|
 Programa oficial Galicia |
Fundado en 1947 e con 450 socios é a entidade máis numerosa en Uruguai despois do Centro Galego
O Círculo Val Miñor de Bos Aires celebrou este sábado a tradicional xornada do "Día del Niño" na sede de Rafaela en Bos Aires. Xogos, espectáculos de circo e maquillaxes artísticos alegraron a tarde ao máis cativos. Un chocolate con churros pechou a xornada.
Máis de 200 persoas concorreron ao banquete en homenaxe ao Día de Galicia o pasado domingo na Sede do Círculo Val Miñor da Arxentina. Os asistentes achegaron alimentos non perecedoiros, libros, artigos escolares, materias de traballo e de limpeza para axudar á Escola de Educación Especial Nº 501 Civilo Lus da localidade de Mar de Ajó. Colexio que apadriña a organización miñorana pola súa labor no desenvolvemento de oito obradoiros para a formación e capacitación de mozas e mozos con capacidades diferentes.
