O Concello de Gondomar abriu este mércores e ata o 31 de outubro o prazo para acceder a bonificacións no pagamento da taxa para persoas con ingresos inferiores a 532 euros ou grupos familiares que non superen o triplo desa cantidade. A todo isto os nacionalistas ten presentada unha moción que debaterá o pleno deste xoves que promove a suspensión do cobro retroactivo desta taxa correspondente a 2013 no vindeiro mes de decembro. Medida que contaría co apoio do PSOE e e tamén o non adscrito Eladio Costas segundo puido saber VM.info.
Gondomar - Noticias de Gondomar e Val Miñor
O Proxecto Ríos advirte do incremento de residuos industriais trala limpeza do Miñor e o Zamáns.
O equipo de voluntarios do Proxecto Ríos retirou de unha tonelada e media de lixo das canles dos ríos Miñor e Zamáns o pasado domingo. Durante catro horas efectuáronse as labores no treito baixo do Zamáns, na altura da Ponte de Rosas e o Acueduto do Bravo, así como no curso alto do Miñor á altura dos concesionarios de coches. Tralos traballos, os responsables informaron que retiraron menos plástico que en anos anteriores pero que se incrementaron os de residuos industriais, nomeada-mente pezas de automóbiles.
O goberno de Gondomar “certifica” a efectividade do muro de contención nas escolas vellas.
O goberno de Gondomar “certifica”nun comunicado público que o muro-grada recentemente instalado na fronte das escolas vellas da vila evitou o asolagamento das instalacións. A contención que tivo un investimento próximo aos 100 mil euros, financiados pola Deputación, fora cuestionada por diversos sectores que o consideran ineficiente como solución aos desbordes periódicos do Río Miñor nesa zona de terreos baixos. Nomeadamente, e como viuse nas últimas choivas, a instalación non protexe todo o perímetro do edificio, provocando acumulación de auga que só pode conter a capacidade de absorción do terreo. O perigo aumenta en tempadas onde as precipitacións instálanse durante varios días. A administración asegura que traballa no perfeccionamento do sistema e procura recursos para ampliar os instrumentos de evacuación das augas.
Araújo: “os peores augurios fixéronse realidade: Taxazo pola recollida de lixo” en decembro para Gondomar.
A Deputación de Pontevedra deu orde ao ORAL de poñer ao cobro os recibos da taxa pola recollida de residuos de 2013 con carácter retroactivo. O concelleiro nacionalista non adscrito Antonio Araújo afirma que o seu grupo acaba de decatarse da orde pola cal en decembro deste ano cobrarán o correspondente da taxa ao 2013. Segundo a información revelada esta mañá polo edil, a maiores entre maio e xullo de 2015 cobrarán a do 2014 e en decembro de 2015 a dese ano. “Como xa denunciamos cando a aprobación do convenio coa Deputación de Pontevedra, que lle dá poder absoluto para manexar a prestación dun servizo tan básico nos concellos adheridos, no caso de Gondomar e antes do que pensabamos, fixéronse realidade os peores augurios ao respecto”, lamenta Araújo.
Homenaxe veciñal á memoria de Javier Alonso Salgueiro
"Sito", "O Roxo de Regodagua", "O Rubio de Barreras", "O Mozo da Bandeira", calquera destes alcumes refírense á mesma persoa, Javier Alonso Salgueiro, Fillo predilecto de Gondomar. Sindicalista e militante político, foi destacado concelleiro en Gondomar a través de tres plataformas veciñais que el organizou. Impulsor do asociacionismo na súa parroquia e loitador social infatigable. Os veciños de Chaín queren honrar súa memoria no 25 cabodano do seu tráxico falecemento.
JPAGE_CURRENT_OF_TOTAL