Cultura
Miles de persoas marchan polo galego
Na procura de 30 rapaces de Nigrán
"Ando na procura de todos os rapaces que estamos nesta foto." Esta foi a mensaxe lanzada por Xaquín Gómez, un dos rapaces que aparece na foto. O obxetivo, reunirse 43 anos despois para facer a mesma foto no mesmo lugar, a antiga escola pública de Nigrán, un edificio que ainda segue en pé no barrio de Vilameán pero sobre o que cerne a piqueta do derrubo por parte do concello.
Adiante! con Díaz Castro. Espectáculo poético musical do IEM #LetrasGalegas2014
Chega una nova conmemoración do Día das Letras , este ano cunha merecida homenaxe a Xosé María Díaz Castro, figura de referencia da poesía galega do século XX. Dende o Instituto de Estudos Miñoranos lembrarase ao escritor no marco do espectáculo poético-musical Adiante! con Díaz Castro a celebrarse o vindeiro domingo 18 de maio no Auditorio Municipal de Gondomar “Lois Tobío” a partir das 19:30
Presentación no IEM do libro “A voz quebrada”, de Xosé Mª Álvarez Cáccamo .
O vindeiro xoves 15 de maio ás 20:30 horas presentarase o libro A voz quebrada. Da Memoria histórica e o terror fascista, na Aula de Cultura Ponte de Rosas (Avda. da Feira, 10, baixo, Gondomar). A obra editada dentro da colección Letras da Groba, será presentada polo seu autor, Xosé María Álvarez Cáccamo e contará cunha intervención do historiador Carlos Méixome, director do IEM.
Ponte... Na Escena senta as bases dunha rede de intercambio entre compañías teatrais de Galicia, Brasil, Portugal e Francia
Tras catro días de convivencia e troco, os participantes da segunda edición do Festival de Teatro Ponte... Na Escena, pecharon durante a fin de semana varios acordos de colaboración para levar montaxes e artistas galegos a participar nos circuítos de Brasil, Portugal e Francia; ao tempo que en Galicia se abre para estes países un circuíto no que representar as súas montaxes. Quedou así establecida unha rede de intercambio entre as compañías que participaron nesta segunda edición do festival, cuxos membros se mostraron ilusionados pola existencia desta nova plataforma de troco cultural; e agradecidos pola acollida que se lles brindou desde a Asociación Ponte...Nas Ondas, o Concello de Gondomar e a Casa Colorida de Nigrán, onde estableceron a súa residencia artística.
O Festival Internacional de Teatro Ponte… Na Escena pecha o seu cartel coas compañías Goudu Theatre e Por volta de logo e Depois
Na súa última xornada o festival recibirá aos franceses Goudu Theatre e á compañía brasileira Por volta de Logo e Depois, coa aclamadísima peza “María sou eu” da arredor da ditadura en Brasil
A última xornada do Festival Internacional de Teatro Ponte… Na Escena comezará este domingo ás 12.00 horas cunha representación dirixida ao público infantil.
Ponte...na escena - Entrevista a Santiago Veloso, presidente da asociación Ponte...nas ondas
Os compañeiros de Gondomar TV entrevistan a Santiago Veloso, presidente da asociación cultural e pedagóxica Ponte...nas Ondas! que conxuntamente con Limiar Teatro, a concellería de Cultura de Gondomar, Fafe Cidade das Artes e rede Fora do Eixo Brasil, organizaron o segundo festival Internacional de teatro Ponte na...escena.
Aberto o prazo de preinscricións para acceso ó conservatorio elemental do Concello de #Gondomar
A Concellaría de Educación de Gondomar abre o prazo de preinscrición cara ás probas de acceso do conservatorio de música. A idade establecida é de 8 e 14 anos e se ofertarán estudos oficiais de guitarra, piano, violín, viola, clarinete ou saxofón. O prazo para a preinscrición vai do día 10 de maio ao 11 de xuño do 2014. Mais información no 986.389.283 ( en horario de tarde) ou no 986.369.746 (en horario de mañá).
A compañía brasileira Bocaccione centrará a segunda xornada do Festival Internacional de Teatro Ponte… na Escena
-Ofrecerá un espectáculo dirixido ao público infantil, no Auditorio Lois Tobío ás 12.00 horas; e outro destinado aos adultos, ás 22.30 horas
O II Festival Internacional de Teatro Ponte… na Escena continúa coa súa programación. Nesta ocasión será a compañía teatral Bocaccione, de Ribeirao Preto (São Paulo), a encargada de amenizar a xornada de mañá venres. A compañía brasileira ofrecerá un espectáculo dirixido ao público infantil e outro destinado aos adultos.
JPAGE_CURRENT_OF_TOTAL