Cultura
O xeito de coleccionar obxectos cuxa natureza é “para mirar” e non para “usar” ou “comer” na clasificación clásica foi a semente dos gabinetes, cámaras, teatros ou museum que anexaban o complemento “das marabillas” ou “curiosidades”. Estes termos aludían a mobles acondicionados para exhibir as pezas, habitacións adobiadas con multitudes de “rarezas” e ata edificios completos destinados á custodia e divulgación destes amoreamentos que, dende a antigüidade até a chegada dos museos tal cal hoxe coñecemos, saciaban a curiosidade e fantasías dos públicos. Neste escenario transcorre O gabinete das marabillas de Arxentino da Rocha Alamparte (Xerais, 2014), novela dos irmáns Irene e Rodrigo Pérez Pintos con ilustracións de Ramón Trigo e fotografías de Manuel G. Vicente, Lucas Álvarez e mais José Araújo. Cos irmáns Pintos acompañados de Trigo e logo dunha presentación a cargo de Xosé Ramón García (IEM) compartimos un exquisito faladoiro o pasado venres na Aula de Cultura Ponte de Rosas.
Cultura
A primeira moeda que roubou Pepa a Loba está en Xunqueira de Ambía.
#Nigrán: A exposición de Libros Escolares Antigos pecha as súas portas con máis de 500 visitas
-Figuras como os escritores Bieito Ledo e Xosé Neira Vilas ofreceron ademais dúas concorridas charlas a escolares de Nigrán.
A I Andaina Escolar Exposición de Libros Escolares Antigos pechou onte as súas portas con máis de 500 visitas, "un éxito de afluencia sen precedentes que estamos convencidos repetirase nas próximas edicións", sinala o rexedor municipal Alberto Valverde.
Ramón Trigo: Cando arte e beleza xermolan dende as “CINZAS”
Toda a obra de Ramón Trigo ardeu a tres semanas da inauguración. Das súas cinzas está fornecida e titulada a mostra do plástico agora exposta na Aula de Cultura Ponte de Rosas, sede do Instituto de Estudos Miñoranos en Gondomar. Unha colección de pinturas, debuxos e esculturas que falan do seu talante creativo na que se conxugan traballos que o azar salvou por estar fóra do lugar do lume e outras que son xermolo da triste experiencia. “Cinzas”, así sen máis, quedou aberta ao público o pasado xoves 22 de maio nun acto no que o artista obsequiou aos asistentes cunha bolsiñas con restos do que non se puído ver, mais estivo alí.
#Nigrán: Comeza a “Semana do Raku”, a técnica cerámica oriental que gaña adeptos na bisbarra.
A Escola Municipal de Cerámica celebrará do 26 ao 30 de maio a vixésimo quinta edición da Semana do Raku en Nigrán, nas instalacións municipais da escola en Cotros. A escola transformarase entre as 17.00 e as 21.30 horas nun espazo de acceso libre denominado por moitos dos asistentes a anteriores edicións como un "happening cerámico".
Espazo Lectura prepara unha noite de acampada na Biblioteca con 30 cativos de Gondomar.
Unha acampada entre libros pode soar raro. Non é así para os cativos de Gondomar que por sétimo ano consecutivo pasarán unha noite nela, iso si, moi ben acompañados. Ademais dos xogos e aventuras que proporán os dinamizadores da Asociación Espazo Lectura, o mago Carlos Coira lavaraos ao mundo máxico co seu espectáculo Abrapalabra! Este ano serán máis de 30 os nenos que cos seus pixamas e sacos de durmir se farán este sábado do primeiro andar da Casa da Cultura a partir das dez da noite. O domingo pola mañá, espertarán con xogos poéticos e tras almorzar volver cos seus pais. A Noite na Biblioteca forma parte do programa a prol do fomento da lectura que ao longo do ano desenvolve a Asociación Espazo Lectura, neste caso coa colaboración do Concello de Gondomar.
O festival PortAmérica adianta todos os detalles do evento que chega un ano máis a Nigrán.
-O festival que se celebrará os próximos días 17, 18 e 19 de xullo en Porto do Molle suma nomes como Vetusta Morla ou Love of Lesbian ao cartel da súa terceira edición.
-En 2013, xerou máis de 500 empregos directos e indirectos, ademais de contratar a 18 desempregados de Nigrán a través da bolsa de emprego municipal, lembra o alcalde Alberto Valverde.
-Os máis de 19.000 visitantes que rexistrou en 2013 sitúano como un dos eventos con maior transcendencia para a actividade económica local, dinamizando a hostalaría, a restauración e o comercio de Nigrán, sinalan dende a alcaldía.
Alumnos de primaria dialogaron co escritor Bieito Ledo Cabido no marco da mostra de libros antigos de Nigrán.
Máis de 140 alumnos de 3º e 4º de primaria participaron este martes dun coloquio co escritor e editor Bieito Ledo Cabido. O encontro tivo lugar no marco da I Andaina Escolar Exposición de Libros Escolares Antigos, que organiza o Concello de Nigrán.
Inauguración da mostra “CINZAS” de Ramón Trigo na Aula de Cultura Ponte de Rosas.
O día xoves 22 de maio ás 20:30 horas a Aula de Cultura Ponte de Rosas recibe unha nova mostra: “CINZAS” do artista Ramón Trigo. No acto contarase coa presenza do autor e unha presentación a cargo do músico Alfredo Dourado
Ramón Trigo (Vigo, 1965) alterna os seus traballos como ilustrador e autor de bandas deseñadas coa pintura e a escultura. A súa obra ten sido exposta en diversas galerías e espazos culturais así como obxecto de múltiples galardóns. Entre eles o l Premio Cómic da Deputación de Cuenca , o Premio Álbum Ilustrador Cabildo de Gran Canaria(2007), o V Certame Internacional Albúm Infantil Ilustrado Cidade de Alicante e no 2012 o prestixioso Premio Lazarillo outorgado polo Ministerio de Educación e Cultura.
A obra do plástico miñorano Fernando Casás presente en tres mostras simultáneas.
A obra do miñorano Fernando Casás (Gondomar , 1946) percorre o mundo dende hai case medio século. Considerado un dos iniciadores do movemento Arte e Natureza, viviu e traballou entre o Brasil e Galicia. A súa obra de marcado carácter conceptual agora poderá ser visitada en tres mostras localizadas en tres cidades distintas da península: Huesca, Pontevedra e Vigo. Nese orden ábrense ao público as mostras “Arte e Natureza”, “En plenas facultades” e “Eidos da imaxe. Grafías dos feitos e do pensamento”.
JPAGE_CURRENT_OF_TOTAL
