Cultura
Toda a ruta marítima do Instituto de Estudos Miñoranos deste mércores 9 de xullo poderá seguirse en directo a través de VM.info. Dende o inicio do percorrido ás 21:30 horas en diante, o equipo técnico de K12 Comunicación darán cobertura a toda a ruta, que emitirase en directo por internet dende o propio barco, se as condicións climáticas o permiten, e permitirá seguir as narracións do arqueólogo Xosé Lois Vilar así como interactuar con preguntas e comentarios a través dun chat habilitado na propia web A emisión poderá visualizarse con calquera tipo de dispositivo: ordenador, tablets ou teléfonos móbiles con conexión a Internet.
Cultura
As lendas, os naufraxios e a historia do mar, en directo por internet acompañando a ruta marítima do IEM.
O goberno do Estado prohibe por decreto os pases de películas de estreo nos cines de verán municipais.
Os habituais ciclos gratuítos ou a prezo simbólico de proxeccións cinematográficas dos concellos non poderán incluír películas dunha antigüidade inferior a 12 meses dende o seu estrea en salas de exhibición. Así o establece o artigo 8 do real decreto-lei de aprobación de medidas urxentes para o crecemento, a competitividade e a eficiencia, co que se modifica a Lei do Cine de 2007, nomeadamente os artigos 7 e 12, e publicados o pasado sábado no Boletín Oficial do Estado (BOE).
Chega o “Berra” máis internacional.
O cartel do festival Berra Baiona! empezou a rular nas redes. Salientan nomes coma a banda neoiorquina The Toasters, os madrileños Super Skunk , así como Zamaramandi, Terbutalina e Ganjahr family and West Rockers Band. Rock, funk, reggae, e a forza da percusión do Bloquinho de samba Aperta aseguran calidade e moita festa. A posta en escena será o venres 29 de agosto en Baiona. VM.info falou con Andrés Bonader, presidente da Asociación Cultural e Deportiva Berra Val Miñor, quen adianta todos os detalles do festival.
Relatorio sobre a crítica satírica da monarquía no século XIX, na Capitanía de Baiona.
A historia da prensa satírica vai moi ligada ao propio desenvolvemento do xornalismo desde as súas orixes coas gacetas dos séculos XVI e XVII. Mais será no XIX cas sátiras ilustradas medrarán en cantidade e calidade co seu pulo maior no último terzo da centuria. Os obxectivos das críticas eran múltiples e segundo a ideoloxía ou intereses da publicación eran tratados sen piedade, nalgúns casos con escenas que hoxe en día provocarían grande impacto. Nomeadamente a crítica satírica que sufriu a monarquía no século XIX será o centro do faladoiro que abrirá este xoves ás 20:30 horas o 4º Ciclo de Conferencias na Capitanía Marítima de Baiona.
Arte e literatura conxúganse na apertura das exposicións da Capitanía Marítima de Baiona.
O pintor e escritor Gerardo Collazo Vilar e o escultor Santiago Vaz Varela abrirán este ano o ciclo de exposicións que acollerá a Capitanía Marítima de Baiona. Cada ano, nos meses de xullo e agosto, este espazo tínguese coas cores dos centos de artistas que pasan pola sala. As obras de ambos autores estarán expostas desde este mércores 2 ata o día 15 de xullo. Ademais, o venres día 11, Gerardo Collazo Vilar presentará a súa novela El Amanecer de los Justos. Primera parte: Humanidad en este mesmo espazo, ás 20:30, de volta de asinar exemplares na Feira do Libro de Madrid o pasado xoves día 12 de xuño.
The Riggos, Balu Sebula, Red Vintage e Grupo Millo en concerto no III TorreiroRock de Priegue.
Priegue bota a andar o III TorreiroRock que este ano presenta unha basta axenda cultural. Ademais dos concertos musicais, terá lugar unha feira artesán, espectáculos de teatro infantil, obradoiros, andainas, exhibicións caninas e un Cineforum que pechará a movida. O TorreiroRock desenvolverase os días sábado 5 e domingo 6 de xullo no Torreiro de Priegue.
O IEM presenta o calendario das Xeiras 2014 con 11 rutas por mar e terra para gozar do Val Miñor
Como xa é tradicional no verán o Instituto de Estudos Miñoranos (IEM) organiza unha serie de visitas-guiadas ou Xeiras a distintos lugares de especial interese histórico, artístico, natural e paisaxístico do Val de Miñor e a súa contorna, dirixidos por especialistas no tema da visita. Para esta edición 2014 preséntanse once percorridos dos cales catro deles serán en barco.
| File |
|---|
 Calendario das Xeiras do IEM 2014 |
Miguel Anxo Fernández presentará a súa novela “O espido de Gina” este mércores en Gondomar.
“Somos as películas que vivimos, as que nos deixaron pegada e ás que regresamos de cando en vez”. Nesta frase agóchase o corazón de O espido de Gina (Galaxia, 2014) a nova novela do escritor e cinéfilo Miguel Anxo Fernández que este mércores ás 20:30 horas será presentada na libraría Libraida (Rúa Rosalía de Castro, 13). O tamén escritor e director da Sección de Filoloxía e Literatura do IEM, Miguel Anxo Mouriño, acompañará ao autor durante o acto.
Por que temos que salvar ás línguas minoritarias?
A BBC publica un interesante artigo da xornalista Rachel Nuwer sobre a situación das línguas minoritarias e as línguas en perigo de extinción.
O artigo sinala que durante o último século extinguíronse ao redor de 400 idiomas, aproximadamente un cada tres meses.
Así mesmo apunta que 50% das 6.500 linguas restantes do mundo desaparecería a finais deste século.
JPAGE_CURRENT_OF_TOTAL
