-O documental A Volta dos Nove de Antonio Caeiro será estreada no Val Miñor dentro do ciclo "Cine e Memoria II" organizado polo Instituto de Estudos Miñoranos.

O informe provisional do Relator da ONU, Pablo Greiff trala súa visita a Galicia en xaneiro, así como o reclamo do mesmo organismo –por 4ª vez – ao Estado español para que cumpra coas diferentes lexislacións que en materia de dereitos humanos ten asinadas, reflicten o estado marxinal na que se atopa a problemáticas das vítimas do franquismo e a impunidade dos crimes dese réxime. As xornadas provinciais de Memoria Histórica organizadas polo Instituto de Estudos Miñoranos no 2009, deixaron en evidencia que arestora emprender unha investigación na procura de información para esclarecer o acontecido así como calquera intento de desenvolver exhumacións de fosas enfronta innumerables pegas por parte das administracións públicas.

Chámase Anxo Rodríguez Lemos, non chega aos 20 mais coñece Baiona como poucos. Aos 15 anos recuperou máis de 1200 nomes de lugares (topónimos), a maioría deles a punto de desaparecer para sempre pois só arquivaban na memoria dos veciños máis antigos. A súa colección de postais, trípticos de cine e teatro e romances de cego do Val Miñor entre outras xoias, é digna dunha exposición pública.

Percorre bibliotecas e arquivos de toda a península na procura de documentos que lle permitan reconstruír a historia da súa gran paixón: a vella Erizana. Unha fermosa teima herdada da súa bisavoa, Aurelia Otero Prado e cultivada dende neno, agora encamiñada nas aulas de Historia da Universidade de Santiago. 

O vindeiro mércores 24 de setembro ás 20:30 horas terá lugar unha presentación-coloquio do libro Temos dereito a un futuro distinto. Conversas con Xavier Vence (Engaiolarte, 2014). Obra centrada nunha profunda entrevista do xornalista Xan Carballa ao economista e portavoz nacional do BNG, Xavier Vence. O libro será presentado nun acto cultural a desenvolver na Aula de Cultura Ponte de Rosas, na Avenida da Feira, Nº 10, baixo, Gondomar. Contarase coa presenza de Xan Carballa e Xavier Vence.

Este venres 19 de setembro, ás 20:30 horas terá lugar a presentación do libro dun lago escuro (Xerais, 2014), o poemario gañador do Premio Johán Carballeira 2013, autoría da escritora Marta Dacosta. O evento contará coa presenza da autora, quen estará acompañada polos escritores Miguel Anxo Mouriño e Pedro Feijoo Barreiro. O acto como é habitual terá lugar na Aula de Cultura Ponte de Rosas, na Avenida da Feira nº10, baixo en Gondomar.

Este modelo de espazo de convivencia colaborativa e inspirado na cultura libre con sede física en Nigrán, será presentado no II Encontro Europeo de Prácticas Cooperativas Cidadás (Cooperland), que terá lugar este venres 19 e sábado 20 en Vigo. A Casa Colorida leva mais dun ano como vivenda permanente dun equipo de creadores e feitores de diversas iniciativas económicas e culturais. Entre elas, ofrecen residencias temporais a artistas e colectivos que estean a procurar un lugar onde emprender proxectos relacionados coas Economías Alternativas, os Sistemas de Información, as Novas Territorialidades, as Artes Interactivas e outros modelos de institucións solidarias.

A Consellería de Cultura, Educación e Ordenación Universitaria pon en marcha unha nova edición do mercado galego de artes escénicas Galicia Escena PRO, que se celebrará do 3 ao 5 de novembro de 2014 en Santiago de Compostela co obxectivo de impulsar e dinamizar a contratación dos espectáculos producidos en Galicia.

As funcións diríxense a programadores, distribuidores e promotores culturais que se desprazarán á capital de Galicia para presenciar persoalmente as últimas montaxes das compañías galegas e conformar a súa selección cara ás contratación da temporada. O público xeral tamén poderá gozar de boa parte desta carteleira nos recintos con capacidade en número de butacas superior aos profesionais acreditados.

O xurado do VII Premio de Poesía Victoriano - Entidade Local de Morgadáns acordou declarar gañador da convocatoria deste ano o poemario O caderno amarelo, da que é autora Lara Rozados Lorenzo. O premio, dotado con 3000 €, escultura conmemorativa da autoría de Fino Lorenzo e publicación do libro polo Instituto de Estudos Miñoranos na colección Victoriano Taibo, será entregado no transcurso dun acto cultural que se celebrará na Escola de Guillufe de Morgadáns, sede do Premio, no mes de novembro.

Ábrese o período de inscricións para participar dun curso de creación literaria a cargo da escritora Marta Dacosta, no Instituto de Estudos Miñoranos. A actividade que leva por título "II obradoiro de creación literaria Victoriano Taibo: Desenvolvendo o nobelo", está dirixido a persoas que desexen mellorar as súas técnicas de escritura. O curso ten un límite de 25 prazas a encher por rigoroso orde de inscrición. As clases darán comezo o vindeiro mes de outubro na, Aula de Cultura Ponte de Rosas cas seguintes características:

Attachments:

File
Programa Obradoiro de Creación Literaria