O Centro Cultural e Recreativo de Peitieiros organiza un certame literario no que poderá participar calquera residente en Gondomar. Admitiranse textos en prosa ou verso, cunha extensión máxima de dúas páxinas (letra 12, interlineado 1.5) en lingua galega. O prazo de presentación remata o día 26 de maio de 2014.

Hoxe presentouse oficialmente o cartel do II Festival Internacional de teatro en Gondomar onde participan 7 compañías de Galicia, Portugal, Brasil, e Francia

Ponte na escena, terá lugar entre o 8 e o 11  de maio en Gondomar.

As sete compañías de teatro procedentes de Brasil, Portugal, Francia e Galicia serán as protagonistas  de por en escea a segunda edición deste festival de teatro.

A Biblioteca Municipal, o Auditorio Lois Tobío e mais a Casa da Lectura de Donas acollen os eventos para este sábado da VII Semana do Libro e a Lectura de Gondomar.

Diego Rey visita o Lendo contigo de Espazo Lectura

O club de lectura compartida en familia Lendo contigo recibirá este próximo sábado 26 de abril, ás 12 horas, na Biblioteca Municipal de Gondomar, a visita do escritor e actor Diego Rey que irá falar de Xango, texto teatral dirixido a nenos e nenas de 6 a 11 anos que conta a extraordinaria historia dun home engulido por unha táblet, das súas aventuras atrapado no seu interior, das posibilidades do mundo tecnolóxico e da amizade.

Durante a sesión, encadrada dentro da programación da VII Semana do Libro e a Lectura organizada por Espazo Lectura e coa colaboración co Concello de Gondomar, celebrarase tamén o Primeiro Concurso de Microteatro do Lendo contigo, onde sete parellas de nenos e nenas, futuros actores e actrices, representarán as microobras Mango, Fango (Lama), Fungo, Bingo, Frango, Tango e Longo. A duración de cada unha destas microobras non será superior aos 3 minutos e a caracterización e interpretación serán valoradas polo público asistente que poderá votar as súas parellas preferidas.

A peculiariedade do evento organizado por COEMSA é noticia hoxe no programa A Revista da TVG . Unha actividade que mestura exposicións, obradoiros e venda de pinturas e esculturas durante todo o fin de semán.

Cando o pintor austríaco Eugene von Guerard achegaba ao espectador paisaxes que eran auténticas "postais a cor" da época, salvábanse así as limitacións propias dunha tecnoloxía, a fotografía, que lidaba aínda os seus primeiros pasos entre o fotogravado e o daquerrotipo en branco e negro.

O Instituto de Estudos Miñoranos e a Entidade Local de Morgadáns convocan o VII Premio de Poesía Victoriano Taibo – Entidade Local de Morgadáns ao que poderá concorrer calquera autor que envíe, antes do 31 de xullo de 2014, ao enderezo Apartado 30, 36380, Gondomar, un libro de poemas escritos en galego cunha extensión mínima de 300 versos. O premio está dotado con 3.000 €, unha peza escultórica do artista miñorán Fino Lorenzo, creada especialmente para este certame, e a publicación da obra premiada na colección Victoriano Taibo do IEM; o galardón será entregado nun acto cultural que se celebrará no edificio das Escolas de Guillufe (Morgadáns) na 2ª semana de novembro do mesmo ano.

Pódense consultar as bases no arquivo adxunto

Attachments:

File
Bases do Premio de Poesía Victoriano Taibo - Entidade Local de Morgadáns

A Semana do Libro e a Lectura 2014 comezará este mércores, 23 de abril, Día do Libro, coa representación da obra Rosalía Pequeniña a cargo da cantante Uxía e mais unha sesión de contacontos  co equipo de voluntarios da Asociación Espazo Lectura. Máis de 350 escolares dos colexios do Val Miñor participarán en ambas as dúas actividades e compartirán un xantar de convivencia no Parque da Coelleira de Gondomar. Finalmente ás 18 horas terá lugar o espectáculo Para cantar e bailar baseado no libro-disco de Luís Prego.

Poderán participar todos os autores de 3º Ciclo de Educación Primaria, ESO e Bacharelato que residan no Val Miñor e non superen os 20 anos. Os traballos deberán ser remitidos antes deste mércores, 23 de abril no Rexistro do Concello de Gondomar.