A partir deste martes 11 de xuño os prezos polas prestacións da residencia de tempo libre de Panxón se incrementarán nun 3,5%, segundo comunica a Consellaría de Traballo e Benestar no Diario Oficial de Galicia. O incremento, que afecta tamén ás dependencias do Carbaliño (Ourense), é produto da variación do índice xeral nacional de prezos de consumo desde outubro de 2011 a outubro de 2012. A actualización chega con medio ano de retraso, posto que o Decreto 84/2012, do 16 de febreiro estipula que o devandito axuste terá lugar o 1 de xaneiro de cada ano.
O dúo Mini e Mero pecha a tempada 2012 – 2013 das TERTULIAS do IEM
Xosé Luis Rivas Cruz e Baldomero Iglesias Dobarrio, máis coñecidos como Mini e Mero serán os protagonistas dunha nova TERTULIA do IEM coa que se pecha o ciclo 2012 – 2013. O acto terá lugar na Aula de Cultura Ponte de Rosas (Avda. da Feira, 10 baixo, Gondomar) o vindeiro venres 7 de xuño ás 20:30 horas.
Mini e Mero ademais da súa faciana como dúo de músicos e cantautores (membros históricos de Fuxan os Ventos e a máis recente A Quenlla), achegarán as súas experiencias como investigadores do folclore e a cultura tradicional do país.
Presentación da Associação José Afonso (AJA) no Val Miñor.
O vindeiro xoves 6 de xuño terá lugar a presentación da Associação José Afonso (AJA), na Aula de Cultura Ponte de Rosas (Avenida da Feira, 10 baixo, Gondomar), a partir das 20:30 horas. O acto contará coa proxección dun documental sobre o músico e compositor José "Zeca" Afonso e unha actuación poético musical de libre participación.
A OMIX Gondomar oferta un curso gratuíto de bixutería para a mocidade.
O curso terá lugar do 1 ao 9 de agosto e segundo informa o concelleiro de Xuventude, Ignacio Troncoso, o mesmo está dirixido a persoas entre 14 e 30 anos. Neste taller se vai levar a cabo abelorios de madeira, coiro, teas, botón. Segundo a OMIX Gondomar neste obradoiro "pretendese darlle cabida a creatividade realizando cada un unha peza personalizada". As inscricións ábrense este xoves 5 de xuño n na Omix do Concello, R/ Manuel Alonso , s/n . Para máis información 986.369.746 . O prazo vence o vindeiro 30 de xullo
Trinta persoas reciben en Nigrán os diplomas dos cursos “Actívate” da Deputación de Pontevedra.
O rexedor municipal, Alberto Valverde, xunto coas concelleiras de Benestar Social e Sanidade, María del Carmen Alonso, e de Emprego, Rosa Rodríguez, entregaron hoxe os diplomas dos cursos Actívate da Deputación de Pontevedra, nos que participaron unha trintena de persoas.
O premio do certame “Bai de Tapas 2013” queda en Sabarís.
A votación do público participante da ruta gastronómica “Bai de Tapas” organizado en Baiona dá por gañadora ao petisco “Milhojas de rape y jamón ibérico con vinagreta de quinoa y sésamo”, creado polo restaurante O Rizón da vila de Sabarís. O segundo lugar foi para a tapa “La vuelta al ruedo”, do Gastrobar Gordo, local situado no casco vello baionés.
Mabel, de 12 anos, loita polos seus aforros e os do seu irmán de 13, convertidos en débedas subordinadas.
O pasado luns, Mabel, unha rapaza de 12 anos, emocionaba a centos de veciños en Gondomar co seu testemuño no canto o seus aforros foron convertidos en débeda subordinada por unha das caixas galegas. A súa familia confirmaba a Valminor.info o relato de Mabel e engadía que outro fillo de 13 anos, tamén foi vítima do "troque" de aforros por produtos financeiros lixo. Na edición de onte, os lectores recibiron o texto íntegro da carta de Mabel. Hoxe ofrecemos o vídeo feito pola Plataforma Gondomar, do momento en que Mabel le a súa carta no peche da manifestación do pasado luns.
A Xunta dá a dedo 184.000€ a La Voz e La Región polo seu uso do galego
-La Voz de Galicia (149.000€) e La Región (35.000€), dous xornais que se editan case exclusivamente en español, son os únicos beneficiados nos convenios da Consellería de Cultura para "potenciar o uso do idioma galego".
Nena de 12 anos relata publicamente como foi estafada con subordinadas no peche da manifestación en Gondomar.
Mabel xuntaba os cartos que os seus avós e pais íanlle dando dende os 7 anos nunha conta de aforros, “porque quería e quero ir á universidade”, segundo relatou ás máis de 700 persoas concentradas ao final da manifestación das Plataformas de afectados por Preferentes e Subordinadas deste luns en Gondomar. “Neste momento non teño nada”, afirma a pequena Mabel, “leváronme todo”.
JPAGE_CURRENT_OF_TOTAL