Este martes 4 de febreiro “Día mundial contra o cancro” está convocada unha concentración ás 11 horas diante do edificio do Instituto Nacional da Seguridade Social (INSS) na rúa O Grove (Coia). O acto está convocado por Beatriz Figueroa, enferma de cancro, co xeito de denunciar “a situación de indefensión socioeconómica” dos pacientes que como ela, deben librar unha dura batalla contra a enfermidade con subsidios de 426 euros mensuais outorgados por este organismo.

A Garda Civil está na procura dun turismo marca Golf 4, matricula 4930 BRB, de cor negro metalizado que foi roubado entre a noite do martes e madrugada do mércores da Rúa Rosalía de Castro na intersección coa Estrada pola Vía. O vehículo de tres portas ten unha pegatina a modo de circuíto de carreiras de cor branco e vermello situada no maleteiro. O damnificado, un mozo estudante e veciño de Nigrán, agradece calquera información reportando á Garda Civil de Baiona ou no teléfono gratuíto 112.

-Unha paciente galega e no paro é a autora dunha iniciativa de Lei presentada ante o Congreso dos Diputados para evitar a exclusión social das persoas afectadas por cancro. A causa pode ser acompañada pola cidadanía asinando o petitorio "No a la exclusión social por el cáncer" no sitio change.org .
Milleiros de pacientes con cancro están no paro ou malamente sobrevivindo con subsidios de 426€ no mellor dos casos. A dura loita contra a enfermidade deben enfrontarlla nos límites da exclusións social, e pelexando contra as Administracións do Estado, máis preocupadas en cumprir cos obxectivos das políticas de recortes sociais que en atender as súas necesidades. Realidade doada de comprobar con só ler algúns dos artigos do portal "La vida no sigue igual" no que Beatriz Figueroa, una galega afectada por esta doenza, dá conta da loita que está a desenvolver dende hai tres anos para sobrevivir á enfermidade e á fame.

Unha unidade móbil da ITV para ciclomotores desprazarase a Nigrán os próximos días 27 e 28 de febreiro para realizar inspeccións técnicas periódicas de ciclomotores, motocicletas e quads. O dispositivo de inspección técnica instalarase en Campo das Redes, de 9.00 a 13.30 e de 15.15 a 18.00 horas o xoves 27 e de 9.00 a 13.30 horas o venres 28. As persoas interesadas en concertar unha cita poderán realizar a través da páxina Web www.sycitv.com ou no teléfono 902 309 000.