A Asociación Avelaíña en colaboración coa concellaría de Cultura de Baiona, organiza o vindeiro domingo 15 de decembro ás 19:00 horas unha Gala Solidaria no Auditorio Municipal de Baiona.

A recadación obtida mediante a venda de entradas e outras achegas realizadas ese día, irán destinadas integramente ao Centro de Rehabilitación de Avelaíña en Gondomar.

Gumersinda Cortegoso Pereira, veciña do concello de Gondomar, celebrou este martes 3 de decembro o seu 102 aniversario acompañada de familiares e amigos. Na xornada tamén recibiu a visita dunha representación do equipo de goberno do Concello de Gondomar presidida polo alcalde Fernando Guitián, quen acompañado polas concelleiras Patricia Durán e Natalia Salgueiro, entregou un ramo de flores a Gumersinda.

Os veciños da parroquia agrupados na Asociación Cultural San Vicente de Mañufe están a recoller alimentos ca fin de fornecer o banco solidario que xestiona o Concello de Gondomar. A tal fin reciben achegas no Centro Cultural de Mañufe ata o vindeiro mércores 25 de decembro cando entregarán o recollido á Concellería de Benestar Social do municipio.

Con motivo da conmemoración do Día Internacional para a Erradicación da Violencia de Xénero, a Concellería de Patrimonio, Igualdade e Xuventude do Concello de Nigrán está a organizar II Xornadas sobre Violencia de Xénero: Abusos sexuais na infancia e adolescencia.