Festivais de rock, festas patronais, espectáculos populares e moito deporte nos areais de Nigrá conforman maioritariamente a oferta de ocio e tempo libre do mes de agosto. O programa foi presentado oficialmente este mediodía pola edil de Cultura Ana Pérez.

Attachments:

File
Axenda de Ocio e Tempo libre Nigrán agosto 2015

O adianto do tráiler do filme A praia dos afogados (La playa de los ahogados) de Tornasol Films foi partillada por máis de 3.000 seareiros dende a súa publicación o pasado 27 de xullo na web da TVE. A película, baseada na novela de Domingo Villar estrearase nos cines o vindeiro 9 de outubro. A estrea no Val Miñor terá que agardar.

A organización transfronteiriza Eixo Atlántico abriu o prazo para que artistas de Galicia e Norte de Portugal poidan inscribirse coas súas obras pictóricas no Premio Eixo Atlántico e participar na Bienal de Pintura, que alcanza este ano a súa XI edición. Desde o seu nacemento en 1995, a mostra consolidouse como a única e máis antiga exposición de pintura de carácter itinerante entre dous países europeos así como unha das tres máis importantes da Península Ibérica.

Todos os seguidores do certame musical La Voz da cadea Telecinco estarán de parabéns. O portugués Marcos Martíns (agora radicado en Valencia), quen fora finalista do programa, fará un único recital en Galicia e será no Sunset Bar da praia de Patos, Nigrán.

O cantante que conquistou coa súa voz ao público e gañou eloxios de Alejandro Sanz subirá a escena o vindeiro sábado 15 de agosto ás 22:30 horas.