Cultura
Impúxose a un total de 51 propostas presentadas nun certame que salientou pola súa calidade e récord de participación
O ilustrador coruñés Carlos Arrojo resultou o gañador do Concurso de Carteis Quin Alborés que convoca o Concello de Nigrán coa súa proposta "Gramófono". O traballo, premiado con 500 euros, será o que se empregue para a difusión do festival nesta décima edición. O xurado destacou na súa valoración o seu "impecable traballo de maquetación e ilustración" e o seu gran "detallismo". Precisamente, Arrojo, un dos máis recoñecidos ilustradores do panorama galego, xa foi o gañador na edición de 2012.
"A Batalla de Pontesampaio. Unha mirada crítica desde a retrospectiva do bicentenario", será a conferencia que abrirá o ciclo este venres 22 de abril ás 20:30 horas. A mesma estará a cargo de J. María Peláez Valle, profesor compoñente da Área de Ciencia de Materiais e Enxeñería Metalúrxica da Universidade de Vigo.
A Asociación Cultural San Vicente de Mañufe coa colaboración da Deputación de Pontevedra convoca a estudantes de 4º de Primaria até 4º da ESO a participar dun certame de relatos curtos. Tamén convócase a maiores de 16 anos para un de poesía.
Alguén terá que atreverse a facelo: un logotipo que represente a "natureza e espírito" da Agrupación Musical de Vincios. O reto implica achegar unha identidade gráfica e corporativa a unha das institucións culturais máis senlleiras do concello de Gondomar. Para iso foron publicadas as bases dun concurso aberto e controlado pola agrupación, de onde un xurado multidisciplinar escollerá o logotipo que actualizará a imaxe do instrumento musical que acompaña o colectivo fundado en 1978. O prazo para presentar propostas vence o vindeiro 29 de febreiro e as bases poden descargarse no arquivo axunto a esta nota.
