Axenda
O vindeiro luns ás 10 de mañá no auditorio municipal Lois Tobío terá lugar a entrega de premios aos gañadores da 8ª edición do Certame Literario Diego Sarmiento de Acuña, organizado pola Concellería de Educación do Concello de Gondomar e que conta coa colaboración do Instituto de Estudos Miñoranos. Trátase dun concurso de poesía e narración de ámbito miñorán dirixido aos escolares de primaria, ESO e bacharelato desta bisbarra. O certame que foi recuperado logo de truncarse a súa celebración en 2009, pretende contribuír a potenciar a creatividade literaria da mocidade, en lingua galega.
Este sábado 18 de xuño a Plataforma en Defensa dos Montes do Morrazo organiza un roteiro para dar a coñecer a zona afectada polo proxecto de parque eólico que a multinacional italiana Enel Green Power España, pretende construír no Morrazo.
O Patos Surf Club celebra unha xornada de portas abertas de surf na praia de Patos.
Hoxe ás 20:30 na Aula de Cultura Ponte de Rosas (Avda. da Feira 10, baixo, Gondomar) inaugurárase a exposición "PASEANDO" do fotógrafo BRUNHEIRA. A exposición permanecerá aberta ata o 30 de xullo e está enmarcada dentro dos 2º Encontros de Fotografía Dixital DOMINGO PÍO QUINTAS NÚÑEZ 2011 organizado pola Concellería de Cultura de Gondomar.
-O festival celébrase o venres 17 e o sábado 18 de xuño en Montecastelo.
