Axenda
O tradicional Magosto do Concello de Nigrán terá lugar o próximo sábado 13 de novembro no pavillón de deportes de Panxón. Durante todo o día haberá obradoiros e xogos para nenos, postos de artesanía (cerámica, coiro, bixutería, etc.) e diversos produtos tradicionais (noces, mel , licores, rosquillas, etc.) que estarán a venda.A actividade se desenvolverá coa programación das II Xornadas dos Cogomelos, de tal xeito que mentres os maiores participan das propostas relativas as setas, os nenos terán as súas propias no pavillón.
O programa de obradoiros comeza ás 11 da mañá ata as 14 horas. Os máis pequenos poderán colorear e recortar castañas, os maiores de 7 anos construirán meigas e vagabundos con produtos naturais, e para tódalas idades una actividade mural “o magosto é…”.
As setas serán o centro de atención turística deste fin de semana en Nigrán. A Concellería de Turismo ten organizado unhas Xornadas Micolóxicas para os días 12 e 13 de novembro, onde os veciños serán adestrados na complexa arte de seleccionar os cogomelos comestibles dos que non.
