Economía
A esperada visita dos inspectores do Ministerio de Traballo aos despachos das panaderías Las Mercedes segue sen chegar. Os 25 traballadores desta empresa que pechou os seus locais sen darlle a baixa aos obreiros nin á empresa, seguen obrigados a cumprir o seu horario laboral ás portas dos devanditos despachos, á intemperie. A visita dos funcionarios ministeriais é fundamental para que levanten un acta que libere aos obreiros de manter esta garda sen sentido pero legalmente obrigatoria se non queren que a unha eventual apertura da empresa os notifique como "incumprindo as súas obrigas" contractuais.
Están abertas as inscricións ao curso "Orienta a túa brúxula: Técnicas de Inserción Laboral", orientado a persoas desempregadas. O curso está coordinado polo Centro de Información ás Mulleres do Concello de Gondomar, é de carácter gratuíto, terá unha duración de 20 horas e buscará proporcionar ferramentas coas que realizar unha pescuda de emprego: curriculum, cartas de presentación, entrevistas, etc. Os interesados deben dirixirse ao CIM Gondomar ata o vindeiro 1 de xuño, o curso comezará o do día 7 do mesmo mes.
O Concello de Nigrán abre dende hoxe a licitación para a adxudicación de explotacións temporais para a venda de alimentos , prensa, servizos de cadeiras, piraguas, etc nas praias do municipio da cara a tempada de verán 2011. A mesma estenderase dende o 1º de xuño ao 30 de setembro de 2011. As ofertas deberán presentarse no Rexistro do Concello dentro dos próximos 15 días. Os interesados poderán acadar máis información na Oficina municipal de Información ou na 
O Instituto Galego da Calidade Alimentaria (Ingacal) abre un proceso de actualización e inclusión de novo persoal naquelas categorías profesionais necesarias para o funcionamento do Instituto. O prazo de presentación de solicitudes estará aberto ata o 13 de maio de 2011.
Segue aberta a convocatoria para a selección de doce prazas de auxiliar de policía local no Concello de Nigrán. As prazas ten o carácter de persoal laboral temporal, por un período de dous meses e están dotadas coas retribucións contidas no orzamento municipal vixente no actual exercicio. A selección se realiza polo procedemento de oposición libre.
A Secretaría Xeral de Modernización e Innovación Tecnolóxica abre unha convocatoria de axudas para que empresas e asociacións empresariais de calquera sector económico e as específicas do sector das Tecnoloxías da Información e a Comunicación (TIC) presenten proxectos de carácter tecnolóxico en réxime de cooperación. Así se recolle nunha resolución que se publica hoxe no Diario Oficial de Galicia. A concesión destas axudas contan co financiamento do 80% Fondo de Desenvolvemento Rexional FEDER, realizarase en réxime de concorrencia competitiva.
A OMIX (Oficina Municipal de Información Xuvenil) do Concello de Gondomar manterá aberto ata o vindeiro 4 de maio o prazo de inscrición para un curso de caixeiro e repoñedor de supermercado. O mesmo está dirixido aos mozos e mozas desempregados de entre 16 e 35 anos de idade e terá 90 horas de formación -30 delas prácticas- e celebrarase do 9 ao 27 de maio en horario de 9.30 a 13.30 horas de luns a venres. Máis información na OMIX de Gondomar, na Casa da Cultura, no teléfono 986 369 746 ou no correo Este enderezo de correo-e está a ser protexido de robots spamers, precisas activar o JavaScript para velo 
