A directora xeral de Comercio, Nava Castro, entregou onte en Nigrán na tenda de moda Sotobó o segundo premio do certame Re-Mírate de fotografía comercial, un concurso organizado pola Consellería de Economía e Industria na súa continua aposta polas novas tecnoloxías aplicadas ao sector comercial e á promoción do mesmo.

O Hotel Arce de Sabarís volve a situar o nome da Vila Real de Baiona no Top de excelencia dos hoteis do mundo.

TripAdvisor, a maior web de viaxes do mundo anunciou este mes de maio, o recoñecemento do galardón de Certificado de Excelencia 2012 a este hotel miñorán, un premio que só se concede a 1000 hoteis en todo o mundo, a partir das valoracións e críticas dos propios clientes.

A concellería de Promoción empresarial, Comercio e Emprego do Concello de Nigrán porá en marcha un curso de perfeccionamento de informática básica dirixido a desempregados e desempregadas do municipio o vindeiro mes de xuño. Aqueles interesados poderán inscribirse no Centro Antena (Panxón) a partir do luns 28 de maio.

O Concello de Nigrán, a través da concellaría de Promoción empresarial, Comercio e Emprego, abre outra vez a inscrición para os cursos de manipuladores de alimentos no municipio. As inscricións a este curso en prácticas correctas de hixiene para manipuladores de alimentos estarán abertas todo o ano no teléfono 986 118 714

A Concellería de Igualdade de Gondomar informa que abre inscricións para un curso gratuíto de Iniciación a Microsoft Word e Powerpoint. O mesmo está dirixido preferentemente a mulleres desempregadas e cuns coñecementos mínimos informáticos. O prazo para anotarse vence o vindeiro martes 29 de maio.

A Asociación de Empresarios e Comerciantes de Sabarís (Coemsa) organiza, mañá día 10 de maio, ás 20:30 horas unha charla sobre Protección e Planificación do Patrimonio do Empresario Familiar en Tempos de Crises. A charla correrá a cargo de Luís Granda, socio fundador de ACCINT, despacho de economistas e avogados galego especializado en asesoramento e consultoría de medianas e pequenas empresas. A xuntanza desenvolverase no Mercado da Tía NI, na Avenida Julián Valverde, Nº 36.

A tradicional pegada da Semana Santa en materia de emprego estivo por debaixo do 2011 na bisbarra. Mentres nese ano as contratacións temporais provocaron un descenso do -2.37%, no número de parados, en 2012 o mesmo efecto reduciuse ao -2.12%. Abril pechou con 4.747 veciños do Val Miñor sen emprego, 103 menos que en marzo, pero 596 casos máis que doce meses atrás.

A Concellería de Xuventude e a de Formación e Emprego do Concello de Gondomar propoñen a mocidade un curso de Xardinería de 100 horas de formación.