O 31,9% dos fogares galegos cambiaron os seus hábitos de compra nos últimos tres meses e mercaron marcas brancas e produtos en oferta para reducir gastos, aumentar os ingresos ou afrontar pagos, segundo a Enquisa conxuntural a fogares correspondente ao cuarto trimestre de 2011.

O peso da débeda pública municipal nos petos dos veciños miñoranos depende do concello onde habiten. Por exemplo, a cada habitante de Nigrán, lle tocaría un hipotético desembolso de 315,63€ para pagar a débeda municipal que ascende a 5.640.000€ ao 31 de decembro de 2010, segundo datos oficiais do Banco de España e os datos de poboación do INE (2009). Tres veces máis que aos de Gondomar, que na mesma hipóteses deberían desembolsar 102,46€. E case 6 veces superior aos baioneses, que só pagarían 56,11€.

O traballador como principal valor da empresa así como a planificación e solidariedade á hora de sacar adiante os proxectos foron os aspectos que o enxeñeiro Xesús Fernández (IEM), salientou durante a presentación do Lean Manufacturing, unha ferramenta na mellora da xestión empresarial.  O faladoiro tivo lugar este xoves 10 na Aula de Cultura Ponte de Rosas, no marco de temas relativos á economía e o traballo desenvolvidos polo IEM neste mes de novembro, que comezara coa TERTULIA do tamén enxeñeiro e economista Ramón Yáñez Brage.

O Concello de Nigrán convoca a procesos selectivos para a contratación de persoal laboral temporal: un/ha monitor/a para as actividades deportivas na modalidade de: taekwondo, aeróbic, ximnasia 3ª idade, patinaxe (grupo A), patinaxe (grupo B), ximnasia de mantemento (grupo A), ximnasia de mantemento (grupo B), tai-chi, ioga, tenis (grupo A) e tenis (grupo B).

A Mesa do Parlamento de Galicia, na súa reunión de 20 de setembro de 2011, acordou aprobar as bases das convocatorias para a concesión das seguintes bolsas, relacionadas todas coa actividade da institución:

O Concello de Nigrán ten abertas inscricións para unha serie de cursos informáticos a impartir no Centro Antena en Panxón. Os mesmos son de carácter gratuíto e terán unha duración de 30 horas. As clases se desenvolverán os luns, mércores e venres de 10 a 13 horas entre os días 3 e 26 do mes de outubro. Os interesados deben dirixirse ao Centro Antena o no CIM, ambos os dous en Panxón.

A Concellería de Igualdade e a través do Centro de Información á Muller (CIM) de Gondomar organiza dende o vindeiro 20 de setembro un curso gratuíto de Office avanzado que inclúe os programas Excel e Access. Terá unha duración de 60 horase está destinado preferentemente a mulleres desempregadas e demandantes de emprego.

A Concellaría de Formación e Emprego de Gondomar informa sobre a dispoñibilidade das últimas prazas do curso de Auxiliar de Enfermería en Geriatría. O devandito curso está dirixido a persoas desempregadas, cuxo requisito necesario é posuír formación na rama sanitaria.