O concello de Nigrán publicou o pasado 4 de abril no Boletín Oficial da Provincia (BOP) a convocatoria  de oferta de emprego para a selección de 8 prazas de auxiliar de policía local, con carácter de persoal laboral temporal por un período de tres meses, polo procedemento de oposición libre.

O tipo de contrato será laboral temporal por acumulación de tarefas e de 40 horas semanais cunha retribución mensual bruta de 1104,54 euros por tódolos conceptos incluídas as pagas extraordinarias prorrateadas.

A Axencia Estatal da Administración Tributaria comeza a campaña de declaración do IRPF do ano 2011 e nestes días comezan a cruzarse milleiros de mensaxes de información ao respecto.

A Policía Nacional advirte novamente de novos casos de fraude electrónico coñecidos como "pishing" no que os usuarios reciben correos suplantando a identidade de bancos, caixas, e neste caso da propia Axencia Tributaria.

Os datos oficias do desemprego para o Val Miñor arroxan novamente datos negativos ao peche das estatísticas o pasado 31 de marzo. Xa son 4.850 os veciños empadroados na bisbarra que perderon a súa fonte de traballo. En números absolutos medra en 34 casos con relación a febreiro. A situación máis grave rexístrase no concello de Gondomar con 1.807 casos que comprometen a situación económica do 18,28% da súa poboación activa. Baiona, por segundo mes consecutivo rexistra un leve descenso con 9 casos menos co respecto a xaneiro, aínda que o paro castiga ao 14,77% da súa poboación en idade de traballar. En Nigrán, o desemprego alcanza a 1.780 persoas, o que equivale ao 14,50% da súa poboación activa.

As centrais sindicas CCOO e UGT convocan a unha xuntanza na bisbarra do Val Miñor a fin de informar sobre os contidos e repercusións da actual reforma laboral, así como dos fundamentos da folga xeral a desenvolverse o vindeiro xoves 29 de marzo. Con carácter de asemblea aberta a todo público, a reunión terá lugar este xoves 22 de marzo ás 20:30 horas, no Centro Cultural de Vincios.

Un grupo próximo a vinte veciños da bisbarra do Val Miñor fixeron un novo acto de protesta ás portas na sede en Gondomar de NovaGaliciaBanco, durante a mañá deste luns. Pitos, bucinas e denuncias a toda voz, alertaron aos viandantes que transitaban las principais rúas da vila. Os afectados reclamaron solucións e responsabilidades ás entidades bancarias que lles venderon as participacións preferentes sen alertalos do "curraliño" no que entraban os seus aforros.

Están abertas as inscricións para participar dun curso inicial de Prevencións en Riscos Laborais organizado pola Concellaría de Formación e Emprego de Gondomar e a Fundación Laboral da Construción. O mesmo desenvolverase o día 29 de marzo no Centro Neural do concello de Gondomar, en horario de 09:00 a 14:00 e de 15:00 a 18:00 h.

O concello de Baiona pon a disposición das persoas interesadas en solicitar o recoñecemento das competencias profesionais adquiridas a través da experiencia laboral ou a formación non formal, o asesoramento necesario para tramitar o expediente que lles outorgará a convalidación de título oficial.