Os concellos do Val Miñor recibirán 8 mil euros da deputación para atender prioritariamente a asistencia alimentaria dos cativos durante o peche dos comedores escolares nas vacacións. Desa cifra, os concellos tamén deberán afrontar as liñas de axudas de emerxencia para persoas e familias en risco de exclusión social. Nese senso, a administración provincial adiantará o 50% da liña de axuda unha vez os concellos remitan a súa vontade de concorrer á convocatoria e a outra metade unha vez esgotada a contía e coas debidas xustificacións dos gastos.

A unión fai a forza e, máis, se se trata de cabalos. Por iso, as asociacións Pura Raza Cabalo Galego e a de Criadores de Cabalos de Raça Garrana, do municipio portugués de Arcos de Valdevez, acordaron accións conxuntas dos gandeiros-criadores para poder ampliar a apertura de novas vías de comercialización e mercado dos produtos gandeiros.

O Concello de Baiona acaba de publicar as bases de convocatoria para a provisión dunha praza de auxiliar administrativo. O mesmo será de carácter interino para a substitución dunha baixa por enfermidade e posterior permiso maternal dunha funcionaria, segundo informa o boletín oficial da provincia. Para coñecer as bases da convocatoria así como para presentar as solicitudes débese dirixir á casa consistorial de Baiona.O prazo remata o vindeiro 16 de xullo.

A convocatoria ten por obxecto cubrir temporalmente unha praza de traballador social por un prazo de 12 meses a xornada completa no Departamento de Servizos Socias. O prazo de inscricións está aberto ata o vindeiro venres 18 de xullo segundo anuncio do Boletín da Provincia de Pontevedra, onde se atopan as bases da convocatoria.

A Secretaría de Estado de Comercio incluirá á capital olívica entre as 14 cidades que proximamente serán declaradas "zona de gran afluencia turística", polo que os comercios poderán saltarse a maioría das limitacións horarias vixentes noutros lugares.

O pasado xoves 26 de Xuño celebrouse, en segunda convocatoria coa asistencia do 51% do capital social, a Xunta Xeral Ordinaria de accionistas de Tranvías Eléctricos de Vigo, S.A. O punto central da xunta era unha proposta do Consello de Administración para aumentar o capital de nove millóns de euros sobre o actual, que é dun millón.

Segundo deu a coñecer o Concello de Gondomar, estas axudas están dirixidas a persoas individuais ou unidades familiares que carezan de medios e nas que concorran factores de risco. Poden ser aplicadas aos gastos orixinados polas necesidades básicas, con carácter xeral aloxamento como poden ser os alimentos. Tamén axudas de uso e mantemento de vivenda: gastos de subministros (electricidade, auga, gas), ou de alugamento.

Engel & Völkers a compañía inmobiliaria alemá líder en intermediación de inmobles de alto standing no mundo, aterra na bisbarra coa apertura da súa primeira oficina especializada no sector residencial e comercial en Vigo. Focalizará a súa actuación principalmente no seu radio máis próximo, incluíndo as zonas de Nigrán, Gondomar e Baiona. A súa carteira, incluirá pisos ou edificacións individuais, vivendas rehabilitadas, áticos, locais comerciais, oficinas, naves e hoteis. Nese senso, está a procura de 20 consultores inmobiliarios autónomos.