A Concellería de Patrimonio, Igualdade e Xuventude do Concello de Nigrán a través da OMIX e a Deputación de Pontevedra no marco do Programa Actívate 2014, organiza un curso de Acompañante de comedor escolar e un curso de Iniciación á Fotografía , para mozos e mozas de entre 16 e 35 anos. Os curso son gratuítos.

Traballadores e traballadoras da residencia  "Tempo Libre de Patos" dependente da Xunta de Galicia, presentarán un escrito acompañado de cinco mil sinaturas, reclamando un mínimo de 9 meses de apertura do centro.

Farano este martes na delegación da Xunta de Galicia en Vigo, e dirixirán a súa petición á Consellaría de Traballo e Benestar Social, así como a Núñez Feijoo.

A Concellería de Promoción Empresarial, Emprego e Comercio do Concello de Nigrán, ten previsto o inicio no mes de setembro dun curso de “OpenOffice”, dirixido prioritariamente a todas as persoas desempregadas e empadroadas no municipio que queiran mellorar os coñecementos nesta área

Os viños de Rías Baixas mantéñense ao alza no que a premios se refiren obtendo un total de 149 galardóns nos máis relevantes concursos estatais e internacionais. Mencións a parte, sumaron 68 en total, os viños de Rías Baixas mantéñense en boa forma e, continúan a súa posicionamiento entre os mellores viños brancos do mundo. As marcas desta denominación incrementan o número de premios en 23 con respecto ao ano pasado, chegando aos 149 galardóns, recollidos ao longo deste ano en prestixiosos concursos a nivel estatal e internacional (24 ouros, 77 pratas, 48 bronces). Todos eles superaron as marcas do ano anterior.

O Concello de Gondomar procura cubrir unha praza de arquitecto técnico municipal mediante o sistema de oposición. A praza terá carácter interino para cubrir unha baixa laboral do titular. Os interesados poden descargar as bases no Boletín Oficial da Provincia do 18 de agosto de 2014. O prazo remata en 5 días.

Nigrán pechou o 2013 con máis de 1.700 persoas en paro, sen embargo o goberno local só gastou 19.618,57€, dos 35.000€ que dispoñía na partida para “Fomento do Emprego” dese ano. A falla de traballo que afecta a máis do 15% da poboación activa de Nigrán foi deste xeito deficientemente xestionada pola administración popular segundo o edil Fernández Comesaña (UCN), quen revela estes datos , ao deixar de investir máis de 15 mil euros en cursos de orientación na procura de emprego.  

Un total de 15 praias de Galicia estarán reflectidas no cupón diario da ONCE de luns a xoves durante o mes de agosto. En total  82,5 millóns de cupóns estarán dedicados aos areais da do país. A concellaría de Turismo de Baiona, adianta que de entre máis de 800 praias, a praia Barbeira, foi seleccionada para que o día 21 de agosto apareza reflectida no cupón que se sorteará ese día. O cupón se distribuirá en todo o territorio estatal, aparecendo en 5,5 millóns de cupóns, o que supón para a administración local “unha importante promoción deste areal e da propia vila”.

O Concello de Gondomar informa de que se abriu o prazo para a solicitude de postos e paradas nun evento que congregará tres feiras: III Festa Medieval, II Feira de Artesanía e Mostra de Oficios Tradicionais ademais da I Feira da Cervexa Artesanal. As mesmas terán lugar do 22 ao 24 de agosto.