As voces miñoranas con sede na parroquia de Vincios serán as encargadas de cerrar a primeira noite do XXVIIII Festival da Muiñeira e XXVII Feira de Oficios Artesáns de Mondariz . O coro adianta que no repertorio, se incluirán pezas novas e "algunha sorpresa pensada para a ocasión e para o lugar". A actuación dará comezo ás 22 horas do vindeiro sábado 1 de agosto.

A música e danzas da parroquia de Baíña estarán presentes na tradicional Romaría do Chamoso que este ano cumpre a súa XII edición. Será este domingo, día 2 de agosto, cando o Grupo de Baile e Música Tradicional Airiños da Lagoa, estará xunto aos grupos Peleriños (Sarria) e Legua Dereita (O Corgo), no festival folclórico que se celebra na praia fluvial de O Corgo (Lugo).

Este sábado día 1 de agosto a Banda de Música A. M.Vincios actuará nas Festas patronais de San Félix - Concello de Nigran. Ás 11h. Primeira parte do Concerto na Praza do Concello ás 12h a Santa misa con procesión e Segunda parte do Concerto no campo da Festa de San Fiz.

"Haros de lume" é o título do espectáculo do grupo vigués formado por Álex "McBrain" (batería), "Pélvico" (teclados), Alfredo "Nardi" (contrabaixo-baixo-guitarra), Alberto "Bertus" (guitarra eléctrica) JL "Johnny" Ríos (voz-guitarra acústica). Cinco tendencias musicais con orixe en distintos estilos que conflúen nun repertorio – homenaxe aos grandes clásicos del rock n´roll dende os 60' a finais dos 90'. O espectáculo será presentado este venres 31 de xullo na Estación Marítima de Baiona a partir das 23:45.

O Concello de Nigrán, a través da Concellaría de Cultura, organiza mañá xoves no C.R.C. O Torreiro de Priegue ás 21.30 horas a actuación do humorista Somoza. O popular cómico redondelán leva máis de 25 anos adicados ao mundo do chiste, do que ten un repertorio de 6,000, muitos deles baseados nas súas propias experiencias. As risas están garantidas.

A Concellaría de Turismo, Cultura, Xuventude e Igualdade do Concello de Nigrán, dirixida por Ana Pérez, organiza maña mércores unha peque-ruta polo río Muíños. O punto de encontro é a escola de vela de Praia América (zona de Lourido) ás 18.00 horas e o recorrido é de 4 km, é dicir, unhas dúas horas e media de duración.

Este xoves 30 de xullo ás 20:30 horas José María Peláez Valle achegará a conferencia "Desafíos, duelos e lances de honor en España". A mesma forma parte do ciclo que está a desenvolver a Concellaría de Cultura de Baiona e coordinada polo profesor Antonio Piñeiro, baixo o título "Baiona Cultural".

O sábado 25 a partir das 22:30, o grupo local "Danza Paradela" ofrecerá unha demostración das coreografías e xéneros musicais traballados cos integrantes da academia.

O domingo 26 a mesma hora, desenvolverase o II Certame de Habaneiras, coa participación da Coral Polifónica A Merced de Chaín, o Coro da Agrupación Musical de Vincios e a Coral San Mamede de Zamáns.