A Concellaría de Turismo, Cultura, Xuventude e Igualdade do Concello de Nigrán, dirixida por Ana Pérez, organiza maña mércores unha peque-ruta polo río Muíños. O punto de encontro é a escola de vela de Praia América (zona de Lourido) ás 18.00 horas e o recorrido é de 4 km, é dicir, unhas dúas horas e media de duración.
Como está pensada nos máis cativos, o grupo irá acompañado de piratas e haberá xogos, sorpresas e moita diversión. O número de prazas está limitado aos 50 primeiros nenos que se inscriban no mesmo punto de encontro antes da saída, e deberán ir acompañados preferentemente polos seus pais. Recoméndase levar calzado e roupa axeitada, así como auga.
