Sorprenderá a moitos a obra que a baionesa Lula Goce presentou o pasado venres 11 de febreiro na Aula de Cultura Ponte de Rosas. Ata de agora non formaba parte da nómina de artistas vinculados ao Val Miñor, dos que, de lonxe ou de preto, sabemos, coñecemos, ou situamos. Tampouco é doado atopar o seu nome nas listas de artistas ou exposicións do país, esperamos que por pouco tempo. A razón deste descoñecemento é que Lula pasou case un terzo da súa vida fora da nosa terra, en Salamanca primeiro, e en Barcelona despois, onde trazou as coordenadas básicas da súa obra. Pero, e isto é o mais importante, sorprenderá pola amplitude e riqueza do seu traballo, de claras connotacións poéticas e conceptuais, pola liberdade e sutileza que mostra nos visibles cambios de rexistro e a desprexuizada disposición de todos os procedementos, recursos e linguaxes que necesita para falar do que quere dicir.
Mañá martes, día 15 de febreiro, ás 20:30h, o club de cómic Lecturas Debuxadas organizado pola asociación Espazo Lectura celebra unha sesión especial na libraría viguesa 
O popular narrador, dramaturgo e contacontos, Cándido Pazó presentará mañá venres 11 o seu espectáculo "Historias e Histerias", no Café - Teatro Clandestino, da Ramallosa. A cita é ás 23:30 cunha entrada de 4€. Clandestino atópase na Avenida de Portugal Nº35, por reservas e información comunicarse ao teléfono 986 38 91 61.
Mackinstation, a antiga estación do tranvía da Ramallosa presentará o espectáculo do cantante Tony Lomba este venres as 23 horas. Entradas anticipadas a 6 euros.
