Sorprenderá a moitos a obra que a baionesa Lula Goce presentou o pasado venres 11 de febreiro na Aula de Cultura Ponte de Rosas. Ata de agora non formaba parte da nómina de artistas vinculados ao Val Miñor, dos que, de lonxe ou de preto, sabemos, coñecemos, ou situamos. Tampouco é doado atopar o seu nome nas listas de artistas ou exposicións do país, esperamos que por pouco tempo. A razón deste descoñecemento é que Lula pasou case un terzo da súa vida fora da nosa terra, en Salamanca primeiro, e en Barcelona despois, onde trazou as coordenadas básicas da súa obra. Pero, e isto é o mais importante, sorprenderá pola amplitude e riqueza do seu traballo, de claras connotacións poéticas e conceptuais, pola liberdade e sutileza que mostra nos visibles cambios de rexistro e a desprexuizada disposición de todos os procedementos, recursos e linguaxes que necesita para falar do que quere dicir.
O club de cómic Lecturas Debuxadas trasládase a Vigo para coñecer a librería Banda Deseñada
Mañá martes, día 15 de febreiro, ás 20:30h, o club de cómic Lecturas Debuxadas organizado pola asociación Espazo Lectura celebra unha sesión especial na libraría viguesa Banda Deseñada. A sesión deste mes trasládase a Vigo para ter un encontro con Melo, libreiro da devandita librería especializada e colaborador do prestixioso festival Viñetas desde o Atlántico.
Cándido Pazó presenta "Historias e Histerias" no Café - Teatro Clandestino.
Lula Goce presenta a súa instalación A-MAR na Aula de Cultura Ponte de Rosas.
Mañá venres 11 de febreiro de 2011 ás 20:30h. na Aula de Cultura Ponte de Rosas, (Avda. Campo da Feira, 10, baixo, Gondomar) inaugurarase a exposición da artista visual LULA GOCE "A-MAR. Cartografías do pasado-presente". Trátase dunha intervención efémera realizada especialmente para este espazo pola artista.
O arqueólogo Xosé Lois Vilar amosará a riqueza arqueolóxica e cultural da parroquia de Morgadáns.
A Chan das Moutas, A Cama da Moura ou O Outeiro da Cruz do Morto son nomes que indican lugares, espazos que forman parte da identidade da parroquia de Morgadáns. De todos eles e mais das achegas que a arqueoloxía fixo das diferentes culturas que deixaron a súa pegada na zona, será o tema da charla a cargo do experto do Instituto de Estudos Miñoranos o arqueólogo Xosé Lois Vilar. O coloquio será o próximo sábado 12 de febreiro na Escola de Prado, no barrio de Prado, parroquia de Morgadáns (Gondomar). A xuntanza comezará ás 19 horas e está organizada pola Asociación Cultural de San Roque de Morgadáns.
Mackinstation presenta o espectáculo “Tony Lomba y su atril”
O teólogo Victorino Pérez Prieto falará do Movemento Cristián Galego esta noite no IEM.
"O Movemento Cristián Galego. Unha Igrexa que existe e resiste" e o título da TERTULIA do IEM que esta noite terá por protagonista ao teólogo Victorino Pérez Prieto. A presentación do faladoiro estará a cargo do crego salesiano Xabier Blanco. A TERTULIA comeza ás 20:30 horas na Aula de Cultura Ponte de Rosas (Avenida da Feira 10, baixo, Gondomar).
Cursos gratuítos de galego (CELGA) e inglés especializado para atención ao cliente en Gondomar.
Presentación do disco Paxariños da Rúa de Aréma na libraría Libraida.
A libraría Libraida invita a presentación do disco Paxariños da Rúa, un traballo musical de Aréma para todo público. O concerto celébrase o venres 4 de febreiro ás 18:30 en Libraida na rúa Rosalía de Castro nº13, Gondomar.
JPAGE_CURRENT_OF_TOTAL