A libraría Libraida invita a presentación do disco Paxariños da Rúa, un traballo musical de Aréma para todo público. O concerto celébrase o venres 4 de febreiro ás 18:30 en Libraida na rúa Rosalía de Castro nº13, Gondomar.
Paxariños da Rúa pon música aos contos de Eliseo Alonso, publicados no libro Reiciñeira (Edicións do Castro, 1981). A principal finalidade do proxecto é a de dar a coñecer a figura literaria e a obra infantil do escritor goianés Eliseo Alonso. Árema é Esperanza Vázquez López, mestra no CEIP de Sobrada (Tomiño).
