A seu regreso a súa vila natal o fotógrafo baionés José Sola prepara a inauguración da súa mostra fotográfica "El pincipio del fin", programada para este próximo venres 11 de marzo no restaurante Le Crep da Vila Real. Logo dunha aventura profesional pola cidade de Condal, Sola confesa que se algo botou de menos na súas viaxes fóra das Rías Baixas foron os seus luscofuscos. "El principio del fin" do día cobra especial formato nesta terra singular, afirma. "Cando o sol se funde co mar, adquire no ceo unhas cores imposibles de atopar noutros lugares".
O fotógrafo miñorano José Sola presenta a súa mostra "El principio del fin" no restaurante Le Crep e
Martes de Entroido en Gondomar: festa infantil e verbena nocturna.
A Praza da Alameda acollerá mañá martes de Entroido unha gran festa infantil, con talleres e animación para todos os nenos. A actividade incluirá un desfile de disfraces dos nenos e nenas que acudan disfrazados. Haberá chocolate con churros de balde para todos os participantes. Será a partires das 16.30 horas.
Exposicións, conferencias e música dan a benvida a Festa da Arribada 2011en Baiona.
A Festa da Arribada estreará oficialmente mañá venres o seu título de "Fiesta Nacional de Interés Turístico" coa realización do acto de Recepción de autoridades, a inauguración de varias mostras, conferencias e un concerto musical. Dende as 19 horas os actos o Casal do Reximento (edificio do Concello), a Capitanía Marítima, a Casa Carvajal e mais o Auditorio V Centenario de Baiona.
Entroido Gondomar: Máis de 1000 rapaces desfilarán a partir das 11 h polas rúas da vila.
Máis de 1.000 rapaces de todos os centros escolares de Gondomar participarán mañá venres, a partires das 11.00 horas, no tradicional desfile escolar “Marcha coa túa máscara”, punto de saída ás celebracións do Entroido do municipio. A marcha partirá do Pavillón Municipal e discorrerá pola Avda. De Elduayen, Ángel Urzáiz, Párroco J. Mariño, M. Losada, San Bieito e baixará de novo pola rúa Eduardo Iglesias. Na actividade participarán institutos de secundaria (Auga da Laxe e Terra de Turiono), así como os centros escolares Chano Piñeiro, Neira Vilas, Colexio Rural Agrupado Antía Cal. Na marcha tamén participarán os máis pequenos, os alumnos dos centros de educación infantil Galiña Azul e da Escola Unitaria de Mañufe.
Entroido Nigrán: Concurso de comparsas e festa popular coa actuación do grupo “Aramio”
O entroido de Nigrán 2011 celebrarase o sábado 5 de marzo dende as 17,00 dende o Campo das Redes de Panxón cun percorrido que levará ás nove comparsas participantes ao longo da Rúa arquitecto Palacios ata chegar ao Pavillón de deportes de Panxón enchendo de cor, música e festa o Concello de Nigrán.
A escritora viguesa An Alfaya fala da súa última novela na Biblioteca de Gondomar.
O martes 1 de marzo a asociación de fomento da lectura Espazo Lectura celebra unha nova sesión mensual do club Sete Vidas na que se falará da novela Areaquente (Ed. Sotelo Blanco, 2009), da escritora viguesa An Alfaya. A cita será, coma sempre, a partir das 20.00 horas na Biblioteca Municipal de Gondomar. A partir das 21.00 horas, a autora da novela participará da sesión para falar sobre a súa obra cos lectores e lectoras que participen neste club.
A programación do Entroido de Gondomar inclúe como novidade un festival de música electrónica
A Concellaría de Cultura de Gondomar anuncia como principal novidade para os festexos do Entroido municipal a celebración do I Festival Dj Concello de Gondomar. A Concellaría dirixida por Ignacio Troncoso informa que esta iniciativa ten por obxectivo "apostar por actividades de interese para a mocidade, co obxectivo de implicar á mocidade de Gondomar na vida cultural do municipio". O festival terá lugar no Pavillón Municipal o venres 4 de marzo, a partires das 23.00 horas. Participarán Actualmente solo Miguel Sio (Privèe-Vigo), Jesu Nuñez y Joseph Weil, habituais de Pause&Play (Tui), Paradise (Tui), Etnias (Vigo), Sala Zona (Bueu), Wamba (Porriño), Montesol (As Neves), Dj Gabi e Dj Martin. Por último, o guitarrista e solista Rubén de Lis presentará o seu proxecto Guitar House Project.
O Club de Lectura Lendo Contigo dedica unha sesión a saber que é e como se fai un libro
Mañá sábado 26 de febreiro terá lugar a sesión mensual do Club de Lectura Compartida Lendo Contigo, dedicado a nenos e nenas de 8 a 12 anos, e seus pais e nais, e organizado por Espazo Lectura. Nesta ocasión, o libro que centrará a sesión é Cama e conto (publicado por Edicións Xerais), do escritor valenciano Gonzalo Moure. A partir desta historia, que reflexiona sobre a importancia da lectura en familia dende a infancia, a sesión afondará no mundo do libro: que é un libro, a evolución do formato libro ao longo da historia, a autoría e tradución, a edición e distribución, o prezo do libro, etc. A cita é o sábado ás 12.00 horas na Biblioteca de Gondomar.
Festa reivindicativa pola Serra do Galiñeiro esta tarde- noite na Taberna Marrucho.
Actividades para cativos, circo, recital de poesía, monólogos, música en vivo cea e baile, todo isto hoxe a partir da cinco da tarde na Taberna de Marrucho, na Percibilleira (Baiona). Cunha entrada de 5 euros se poderá gozar de tódalas actividades organizadas co fin de recadar fondos para á defensa da Serra do Galiñeiro. A "festa reivindicativa" está organizada polo Colectivo Berra, membro da Plataforma pola protección da Serra do Galiñeiro.
JPAGE_CURRENT_OF_TOTAL
