Coa inauguración da mostra fotográfica "Miña nai traballa" e a presentación da obra de teatro "A visita da vella dama", amabas as dúas nas Escolas Proval, a Concellería de Igualdade de Nigrán continúa cos actos pra conmemorar o Día Internacional da Muller. A partir das 19:30 horas na aula mulitiusos das Escolas Proval estará aberta a exposición fotográfica que amosan a muller traballadora de Nigrán de hoxe. A mostra de carácter colectivo está realizada por alumnas e alumnos dos colexios públicos do concello. Logo, ás 20:30 horas o grupo Vichelocrego Teatro representará "A visita da vella dama", de Friedrich Dürrenmatt.

A seu regreso a súa vila natal o fotógrafo baionés José Sola prepara a inauguración da súa mostra fotográfica "El pincipio del fin", programada para este próximo venres 11 de marzo no restaurante Le Crep da Vila Real. Logo dunha aventura profesional pola cidade de Condal, Sola confesa que se algo botou de menos na súas viaxes fóra das Rías Baixas foron os seus luscofuscos. "El principio del fin" do día cobra especial formato nesta terra singular, afirma. "Cando o sol se funde co mar, adquire no ceo unhas cores imposibles de atopar noutros lugares".

A Praza da Alameda acollerá mañá martes de Entroido unha gran festa infantil, con talleres e animación para todos os nenos. A actividade incluirá un desfile de disfraces dos nenos e nenas que acudan disfrazados. Haberá chocolate con churros de balde para todos os participantes. Será a partires das 16.30 horas.

A Festa da Arribada estreará oficialmente mañá venres o seu título de "Fiesta Nacional de Interés Turístico" coa realización do acto de Recepción de autoridades, a inauguración de varias mostras, conferencias e un concerto musical. Dende as 19 horas os actos o Casal do Reximento (edificio do Concello), a Capitanía Marítima, a Casa Carvajal e mais o Auditorio V Centenario de Baiona.

Máis de 1.000 rapaces de todos os centros escolares de Gondomar participarán mañá venres, a partires das 11.00 horas, no tradicional desfile escolar “Marcha coa túa máscara”, punto de saída ás celebracións do Entroido do municipio. A marcha partirá do Pavillón Municipal e discorrerá pola Avda. De Elduayen, Ángel Urzáiz, Párroco J. Mariño, M. Losada, San Bieito e baixará de novo pola rúa Eduardo Iglesias. Na actividade participarán institutos de secundaria (Auga da Laxe e Terra de Turiono), así como os centros escolares Chano Piñeiro, Neira Vilas, Colexio Rural Agrupado Antía Cal. Na marcha tamén participarán os máis pequenos, os alumnos dos centros de educación infantil Galiña Azul e da Escola Unitaria de Mañufe.

O entroido de Nigrán 2011 celebrarase o sábado 5 de marzo dende as 17,00 dende o Campo das Redes de Panxón cun percorrido que levará ás nove comparsas participantes ao longo da Rúa arquitecto Palacios ata chegar ao Pavillón de deportes de Panxón enchendo de cor, música e festa o Concello de Nigrán.

O martes 1 de marzo a asociación de fomento da lectura Espazo Lectura celebra unha nova sesión mensual do club Sete Vidas na que se falará da novela Areaquente (Ed. Sotelo Blanco, 2009), da escritora viguesa An Alfaya. A cita será, coma sempre, a partir das 20.00 horas na Biblioteca Municipal de Gondomar. A partir das 21.00 horas, a autora da novela participará da sesión para falar sobre a súa obra cos lectores e lectoras que participen neste club.