O Xornal do Val Miñor. Baiona, Nigrán, Gondomar

Unha variada carteleira de música e teatro chega a las parroquias de Gondomar a través de dous ciclos: "Música nas parroquias 2010" e “Mostra de Teatro e Maxia de Outono". Os espectáculos para este fin de semana comezan o día sábado 6 ás 19:30 horas cun concerto da Escola Infantil de Música de Vincios no Centro Cultural de Donas, a entrada é de balde. Logo, ás 22:00 horas, no Auditorio Luis Tobío de Gondomar, preséntase a obra "Nunca Menos!", da compañía viguesa Fulano, Mengano e Citano, un percorrido en clave de humor ácido a través da historia de Galicia.. O prezo das entradas é de 3,5 euros, e a venda comeza unha hora antes.

O programa do Auditorio Luis Tobío, inclúe once espectáculos: teatro para adultos, maxia e monicreques que se desenvolverán durante os meses de novembro e decembro. En canto ao ciclo musical, a banda Infantil de Vincios e o grupo Big Band, percorrerán as parroquias do municipio tódolos fines de semana.

Está aberta ao público a exposición fotográfica "Un mar de colores" no vestíbulo do Concello de Baiona. A mostra está composta por imaxes dos 17 municipios que forman parte da Asociación Villas Marineras. A exposición chega a Baiona con motivo da celebración da 3ª edición da Festa Gastronómica da Lura, que terá lugar o próximo fin de semana.

Villas Marineras é unha organización integrada por municipios costeiros situados en Galicia, Asturias, Cantabria e o País Vasco, da cal Baiona é membro fundador.

A Fundación Torrente Ballester, a Fundación Casares e o Concello de Nigrán levarán a cabo no Pazo de Pías de A Ramallosa, a “Tertulia do Monterrey”, mañá sábado ás 12 horas. Lembrarán aqueles improvisados faladoiros que hai anos reunía a Gonzalo Torrente Ballester, Carlos Cacares e Manuel Prego de Oliver, na cafetería baionesa que deu nome as Tertulias.

Co gallo de recuperar aquel espazo de encontro onde mesturábanse os mundo da ficción e a realidade cotián, Juan Pablo Torrente Sánchez-Guisande, Miguel Fernández Cid, Gustavo A. Garrido, Iglesias Viqueira, Manolo “O Ferreiro” e Carlos García, estarán presentes nesta primeira conversa.

O Plan Xeral de Ordenación Municipal é o gran pantasma dos tres concellos miñoranos. Ningún deles ten a tarefa feita e o 2010 despídese sen que o Val Miñor conte con regras claras en materia de urbanismo.O presidente da Asociación de Empresarios do Val Miñor, José Luis Froiz Espiño, manifestou a súa preocupación e responsabilizou este desarranxo legal de ser un dos grandes responsables da difícil situación pola que atravesa o sector da construción.

Baiona prepárase para recibir centos de visitantes durante a celebración da III edición da Festa da Lura. O sábado 6 e o domingo 7 de novembro, a partir das 12 da mañá, os asistentes poderán degustar na carpa instalada na praza do concello este apreciado cefalópodo. Neste prezo da porción será de tres euros e inclúese a bebida e unha a cazola conmemorativa.

Este será só o aperitivo xa que uns 50 establecementos hostaleiros da Real Vila ofrecerán distintos pratos elaborados con este típico produto. Os organizadores esperan superan a cifra da última edición na que se repartiron unhas tres mil porcións. Recordar que o ano pasado a última hora, o goberno municipal e ACEBA decidiron suspender a celebración de festa debido á consternación do pobo de Baiona, polo secuestro dos mariñeiros no Índico a bordo do Alakrana.

Baiona prepárase para recibir centos de visitantes durante a celebración da III edición da Festa da Lura. O sábado 6 e o domingo 7 de novembro, a partir das 12 da mañá, os asistentes poderán degustar na carpa instalada na praza do concello este apreciado cefalópodo. Neste prezo da porción será de tres euros e inclúese a bebida e unha a cazola conmemorativa.

Este será só o aperitivo xa que uns 50 establecementos hostaleiros da Real Vila ofrecerán distintos pratos elaborados con este típico produto. Os organizadores esperan superan a cifra da última edición na que se repartiron unhas tres mil porcións. Recordar que o ano pasado a última hora, o goberno municipal e ACEBA decidiron suspender a celebración de festa debido á consternación do pobo de Baiona, polo secuestro dos mariñeiros no Índico a bordo do Alakrana.

Os empresarios agrupados na Asociación de Comerciantes, Hostaleiros e Empresarios de Gondomar (ACHEGO), poñen en marcha unha batería de iniciativas de cara a superar a marcada baixa nos consumos que dende hai dous anos afecta ao sector. É que non só a crise fai estragos na vila, a proximidade ao grande escaparate comercial que representa a cidade de Vigo, con seus centros comercias, franquisias e grandes superficies, fan da frase “Imos de compra a Vigo” o símbolo dunha conduta de consumo á que con enxeño e creatividade se busca cambiar pola sedución das ofertas do comercio local.

Luciana e Brown unen os seus destinos, marcados polo amor, o narcotráfico e a violencia, nos límites dunha das favelas de Sao Paulo. Alí na periferia desordenada da megalópole transcorre esta historia, escrita ao ritmo do rap, na que se esculcan os ingredientes da vida urbana no século XXI.

Periferia e o título de novo libro da escritora viguesa Iolanda Zúñiga, gañadora do Premio Xerais de Novela 2010. A Editorial Xerais leva tamén publicado o seu primeiro libro de relatos Vidas post-it (2007), que foi reeditado.