O Xornal do Val Miñor. Baiona, Nigrán, Gondomar

Venres, 19 Apr. 2024

Actualizado10:50:26 PM GMT

O historiador e Presidente do Consello da Cultura RAMÓN VILLARES clausura as Tertulias do IEM

Venres, 06 Xuño 2008 03:16 VM

Hoxe venres 6 de xuño, terá lugar no Pazo da Escola de Mañufe-Gondomar ás 20:30 h. a última das TERTULIAS DO IEM deste curso 2007/08. Para poñer o ramo aos faladoiros deste curso estará con nós o historiador e Presidente do Consello da Cultura Galega Ramón Villares.

Ramón Villares Paz naceu en Vilalba en 1951. É catedrático de Historia Contemporánea da Universidade de Santiago de Compostela desde 1987 e é membro electo do Pleno do Consello da Cultura Galega desde 2003, ano no que comezou a dirixir o seu Arquivo da Emigración Galega e a Sección de Cultura Galega no Exterior e en abril de 2006 foi elixido presidente do Consello da Cultura Galega.

O contomar despídese ata setembro

Domingo, 25 Maio 2008 17:00 VM

Este próximo luns, 26 de maio, ás 18:00h, vaise celebrar na Biblioteca Municipal de Gondomar a última sesión do Contomar deste curso. O programa semanal de contacontos que promove Espazo Lectura despídese así nesta súa terceira tempada cunha sesión na que celebraremos o cumprecontos dos oito nenos e nenas do Contomar que fan anos durante o verán; contaremos a historia As dentaduras de Paco Palma e agasallaremos os nenos socios do Contomar cun diploma de asistencia.

O IGADI presenta en Baiona “Nos dominios da incertreza”, un libro de Manuel Blanco Desar

Martes, 20 Maio 2008 17:00 VM

{mosimage}O Director do Instituto Galego de Análise e Documentación Internacional, Xulio Ríos, abrirá o acto de presentación do libro “Nos dominios da incerteza” coa participación do autor da narrativa, Manuel Balnco Desar. “Nos dominios da incerteza” é un libro de relatos no que o autor cuestiona os pilares económicos sobre os que se sustenta a sociedade contemporánea a través de once historias arredor da economía e as súas aplicacións.

Maratón cultural en Gondomar e Baiona

Venres, 16 Maio 2008 09:31 VM

Xosé María Álvarez Blázquez O concello de Gondomar organiza para este sábado varios actos na celebración do Día das Letras Galegas adicadas a xose María Álvarez Blázquez. Suspendido o acto de inauguración da rúa adicada a intelectual galego os actos de Gondomar sumados á convocatoria da asociación cultural Ximbaleu dunha maratón de lectura en Baiona, porán o broche final a esta semán cultural no Val Miñor.

"Ponte ao meu lado" no día das letras Galegas

Venres, 16 Maio 2008 03:28 VM

Para mover as remansadas augas do río das iniciativas culturais transfronteirizas Ponte...nas ondas ! e os estudios Casa de Tolos de Gondomar presentan unha nova proba da creatividade e a colaboración galego-portuguesa. Nenos e nenas de Galiza e Portugal xuntan as súas voces ás de Guadi Galego e Vozes da Rádio para reivindicar o noso patrimonio común: o patrimonio inmaterial galego-portugués.

Gondomar, Meira e Nigrán 'parlan' catalán

Mércores, 14 Maio 2008 03:38 Vieiros.com

Uns 150 alumnos de ensino secundario de Cataluña estudan a lingua e a cultura do noso país nos seus centros, á vez que unha vintena de estudantes do IES Pedregal, en Meira, e do IES Augas de Laxe, en Gondomar, aprenden o catalán.
Trátase do proxecto Galauda unha iniciativa posta en marcha en 1999, ao que está previsto se una no vindeiro curso o IES Escolas Proval de Nigrán, tamén na comarca de Vigo.

Tino Baz presenta hoxe o seu último disco durante a semana das letras galegas de Nigrán

Mércores, 14 Maio 2008 02:09 A Voz de Galicia

O cantautor da Guarda Tino Baz presentará a partir das oito da tarde de hoxe no cámping de Nigrán o seu primeiro traballo discográfico en solitario Cinsa namorada (PAI Música 2007).

Os temas que compoñen este disco son músicas e textos do artista, xunto a poemas da prestixiosa escritora lucense Marica Campo. Na instrumentalización Tino utiliza a zanfoña, a gaita, a guitarra e distintos instrumentos de percusión galega.

Os libros xa rulan polo Val Miñor

Martes, 13 Maio 2008 14:43 VM

O colectivo Espazo Lectura repartirá 120 exemplares de títulos en galego que os veciños poderán atopar en calquera sitio público segundo o sistema de «bookcrossing». A semán pasado tivo lugar a presentación, en rolda de prensa, da campaña de Espazo Lectura «Bookcrossing no Val Miñor», que se celebrou na Ramallosa, ao aire libre, á beira da foz do río. A campaña conta coa colaboración dos tres Concellos do Val Miñor e acudiron ao acto os alcaldes de Baiona e Nigrán.

Conferencia: Xosé María Álvarez Blázquez, arqueólogo.

Martes, 13 Maio 2008 12:36 VM

Hoxe terá lugar ás 20h no Camping de Praia América a conferencia: Xosé María Álvarez Blázquez, arqueólogo. Por Eduardo Méndez e Xosé Lois Vilar. Presentación dos dous volumes en Homenaxe a Xosé María Álvarez Blázquez editados polo Instituto de Estudos Miñoranos en colaboración coa Dirección Xeral de Patrimonio (Vol. 1: Escritos sobre arqueoloxía de Xosé María Álvarez Blázquez; Vol. 2: Escritos sobre o Paleolítico en Homenaxe a Xosé María Álvarez Blázquez).