O PSOE de Nigrán organiza para este mércores 6 de marzo ás 16:30 horas unha cita co actual portavoz de economía do PSOE no Congreso dos diputados. Valeriano Gómez, ex-ministro de traballo durante a última etapa do goberno de Zapatero, reunirase na sede dos socialistas en Nigrán acompañado do secretario xeral dos socialistas en Pontevedra, Santos Héctor, e a diputada autonómica Carmen Gallego.
Obrigan a pechar a web de siareiros “Xeración Xabarín” e denuncian presións da Televisión de Galicia.
- Jon Amil, uns dos creadores da web de siareiros "Xeración Xabarín" denuncia que “por orde da CRTVG e baixo ameaza de emprender acción legais vímonos obrigados a retirar dito web da rede”.
“Para evitar accións legais, a @crtvg obríganos a pechar http://xabarin.org e este Twitter, feito por e para fans”. Con esta mensaxe os creadores da web Xeración Xabarín informaban da nova aos siareiros, a través da súa conta en Twitter, este martes 5 de marzo.
Obradoiro de iniciación ao origami en Gondomar
O Nornashostel de Gondomar programa para os seguintes 9 e 10 de marzo, un obradoiro de iniciación ao Origami, tamén coñecida tradicionalmente como pariroflexia.
O Origami é unha tradición milenaria oriental, que se mantivo por xeracións. Defínese como a arte educativa na cal as persoas desenvolven a súa expresión artística e intelectual. Tamén hai quen di que é a esencia que se esconde tras os dedos daqueles que pregan papeis para dar nacemento a innumerábeies figuras.
A realidade e perspectivas da agricultura ecolóxica centran unha nova TERTULIA do IEM.
César Lema (biólogo especializado en agricultura e permacultura) e Roberto Álvarez (Facenda O Agro) analizarán a realidade da agricultura ecolóxica así como as súas perspectivas no que será o quinto faladoiro das TERTULIAS do IEM da tempada 2012-2013. O acto terá lugar este venres 1 de marzo ás 20:30 horas na Aula de Cultura Ponte de Rosas (Avda. da Feira Nº10, baixo, Gondomar). Os convidados serán presentados por Xosé Ramón García, membro da Xunta de Goberno do Instituto de Estudos Miñoranos.
A Universidade de Vigo rende homenaxe a Francisco Fernández del Riego no seu centenario.
O vindeiro luns 4 de marzo a Universidade de Vigo procederá ao descubrimento dunha placa ao pé do pradairo plantado en 2010 na honra de Don Paco del Riego, nos xardíns do Centro de Apoio Científico e Tecnolóxico á Investigación (CACTI) . O acto terá lugar ás 12 horas e contará coas intervencións do vicerreitor Xosé Henrique Costas e o presidente da Fundación Penzol, Alfonso Zulueta de Haz, quen lembrarán a figura do intelectual galeguista, e tamén 1º Doutor Honoris Causa do centro universitario.
O conflito das preferentes agrávase: "Se nos botan dos plenos, iremos ás súas casas
Os plenos de Gongomar, Porriño, Moaña e as Neves tomaron contacto xa co malestar e cabreo dos afectados que levan máis de un ano pedindo solucións aos seus representantes políticos nas distintas administracións. Sinalan que as protestas na rúa non foron suficientes para que os representantes políticos poñan fin ao seu "calvario".
Os afectados polas participacións preferentes perden a paciencia. Os aforradores néganse a calquera troco por accións e quita, unha fórmula que será aplicada antes do 31 de marzo e que, segundo eles, podería chegar ata o 80%. A falta de expectativas, de tempo e de solucións, así como a ralentización das vistas en Consumo, fai que recrúen as protestas, que chegan agora día si e día tamén aos plenos de varios concellos galegos. O último, nas Neves, cuxo pleno municipal foi rebentado e suspendido este mércores polas protestas dun grupo de manifestantes das plataformas de Condado-Paradanta e do Baixo Miño. Durante varias horas exixiron explicacións pola suspensión e á espera de que o alcalde e os concelleiros do PP se comprometesen a poñer o seu cargo a disposición do seu partido se non se dá unha "solución política" aos aforradores. Ao tempo, noutras localidades como A Coruña ou A Laracha tamén se levaban a cabo protestas.
Os empresarios do Val Miñor estudan medidas para “axilizar a tramitación e aprobación” dos PXOMs da bisbarra.
A preocupación do sector empresarial da bisbarra pola demora na aprobación definitiva das normas urbanísticas nos distintos concellos do Val Miñor é manifesta. Así o teñen expresado os distintos voceiros de OVALMI, en tódolos medios nos últimos anos. Nese marco ten convocada unha xuntanza para este xoves en Gondomar na que anuncian concretarán "medidas a fin de axilizar a tramitación e aprobación dos Plans Xerais dos Concellos do Val Miñor.
Os alcaldes populares da Provincia de Pontevedra conxúranse contra a violencia “dalgunhas persoas das plataformas de afectados” polas preferentes.
- Os rexedores populares afirman que non foron eles nin o PP os crearon o problema das preferentes e sinalan aos directivos das caixas galegas ademais do PSOE e ao BNG como responsables.
-Rexeitan a avanzada das plataformas de afectados por "boicotear os plenos" e "impedir o normal funcionamento das administracións locais".
- Aseguran que son solidarios coas persoas afectadas e que están a defender o seus intereses "desde o minuto un".
Aberto o prazo de inscrición para a obtención do carné de manipulación de alimentos no Concello de Nigrán.
A Concellería de Promoción Empresarial, Emprego e Comercio do Concello de Nigrán ten prevista a realización do curso necesario para a obtención do carné de Manipulación de Alimentos.
JPAGE_CURRENT_OF_TOTAL