Tralo seu paso polos CETIS, primeiro zonais e despois autonómicos, agora chega a súa chamada para a selección. Marta Pereira Otero disputará o campionato de seleccións zonais representando a Vigo o vindeiro sábado 20 de xuño en Xinzo.

Esta fin de semana o Serra de Gondomar Club de Arco participou da 5ª Tirada da Liga do bosque no Carboeiro. Unha competencia da que obtivo bos resultados en varias categorías entre as que destaca o 1º lugar en arco con visor para menores de 14 anos de Rubén Rodríguez.

Están abertas as inscricións para participar na IV Carreira de Master Concello de Gondomar que terá lugar o vindeiro domingo 21 de xuño. Esta proba por carreteira para maiores de 30 anos está organizada polo Club Ciclista Gondomar. A competencia que ano a ano convoca aos amantes deste deporte terá como punto de saída a Praza da Paradela, fronte á casa consistorial ás 10.30 horas.

Aser Estévez e Alejandro Santos, que se proclamaron o pasado domingo campións de Galicia Élite e Sub 23 respectivamente, integran a formación que o Club Ciclista Rías Baixas presentará este fin de semana en Burgos e en Santander. O conxunto dirixido por Marcos Serrano participará o sábado no Gran Premio San Antonio e ao día seguinte no Memorial Santiesteban.

A escola de tenis gondomareña chamou a participar do VII Torneo Escolar de Tenis, esta vez co engadido de colaborar economicamente coa campaña de apoio á atleta local Desirée Vila. Anotáronse máis de 120 co xeito de apoiar e participaron próximo a 100 cativos nos xogos desenvolvidos nas instalacións deportivas do Auga de Laxe.

O actual axudante de campo de Cholo Siemeone, German "Mono" Burgos e o actual comentarista de Canal Plus e Carrusel Deportivo, Gustavo Adrián López, visitaron a vila Real durante a pasada fin de semana. Os deportistas arxentinos, actualmente radicados en España, compartiron unha comida no restaurante Rocamar, onde foron tomadas as fotografías xunto co persoal do establecemento.

Empeza con bo pé o grupo do Show do C.D. Eixo Gondomar na súa estrea nun campionato. O sábado 6 de xuño no pavillón municipal das Traviesas celebrouse o Campionato Galego de segunda categoría, onde este grupo participaba por primeira vez e contra todo pronóstico conseguiu alcanzar o terceiro posto na modalidade de grupos show grandes, coa coreografía baseada na película "Avatar".

Este domingo o trono do ciclismo autonómico poñerase en xogo nas brutais rampas do Mirador de Ézaro. A unha das citas máis importantes da tempada, o Club Ciclista Rías Baixas acude con todo o seu arsenal de corredores da terra. O conxunto que dirixe Marcos Serrano será un dos máis representados na liña de saída e aspira a proclamarse por primeira vez Campión de Galicia de Fondo en Carreteira.