O Val Miñor xa está no mapa virtual de Google Street View. Fai varias semáns, Google, a través da súa ferramenta 'Street View', permite xa percorrer de maneira virtual e a través de imaxes en 360 graos as principais estradas do Val Miñor.

A captura de imaxes comezou no pasado outono pero polo análise das imaxes parece que se consolidou no mes de maio de 2011, durante o periódo de eleccións municipais, así na rotonda de Ramallosa ou na Avda. Portugal podemos atopar as pancartas da campaña electoral, inmortalizadas na ferramenta virtual.

Novos correctores, tradución automática en liña, recursos para nenos, e galego no teu móbil, son algúns das novidades e conferencias que incluirá a Xornada Letras Galegas e Internet. A Secretaría Xeral de Política Lingüística é a encargada da organización. O evento terá lugar en Santiago de Compostela esteo xoves 19 de maio. Tamén colaboran a Secretaría Xeral de Modernización e Innovación Tecnolóxica e a Secretaría Xeral de Medios. As xornadas poderán ser seguidas na súa totalidade por internet, dende as 10:30 ás 13:30. Os recursos lingüísticos que se presentan na xornada son" aplicacións nas que a secretaría xeral está a colaborar para contribuír á calidade da lingua e ao seu prestixio social, que lle ofrecerán á cidadanía novas oportunidades para sentirse máis segura traballando e comunicándose en galego no lecer e nas relacións a distancia.", informan dende a Xunta de Galicia.

O Instituto Enerxético de Galicia (Inega), adscrito a Economía e Industria, desenvolveu o pasado martes 10, na EGAP unha xornada informativa sobre o proxecto europeo EnerBioAlgae no que participa como socio e que se basea no aproveitamento enerxético da biomasa en recursos hídricos degradados ricos en microalgas.

Julian Assange, fundador da WikiLeaks, manifestou que o Facebook é “a máquina de espionaxe máis horrorosa xamais inventada”. Agregou que os internautas deber ser conscientes de que cando achegan un amigo “están facendo un traballa gratis moi útil ás axencias de intelixencia dos EE.UU. Assange fixo esta advertencia nunha entrevista mantida con Rusia Today, días despois de que a rede Facebook nunha resolución unilateral dera a baixa ao sitio de WikiLeaks, con mais de 30.000 fans, alegando que promove “actos ilegais”.

O fabricante automobilístico chinés Geely, presentou na feira Auto Shangai 2011 un novidoso modelo utilitario de catro prazas que esconde un moderno scooter eléctrico de tres rodas na súa parte traseira. Trátase do novo McCar ('Magic Car' abreviado), un coche híbrido que pode xerar electricidade, a cal pode ser transmitida ao scooter. O coche pode desenvolver unha velocidade de 85 km/h e o triciclo achega aos 30 km/h. Segundo Geely, o tempo de recarga para o automóbil é de 20 minutos e para o triciclo de 5 minutos.

A SGE (Sociedad Geológica de España) xunto co AEPECT (Asociación Española para la Enseñanza de las Ciencias de la Tierra) levarán adiante o Geolodía. Esta é unha iniciativa de divulgación da Xeoloxía que terá lugar en todas as provincias de España o vindeiro día 8 de maio. A xeira consiste nunha excursión no campo, aproximadamente 1h 30 m de duración, guiada por equipos de xeólogos, neste caso profesores da Universidade de Vigo. Para a provincia de Pontevedra terá lugar na Foz da Ramallosa.

O deseñador industrial miñorano Saúl Presas Hermida (Nigrán) afincado en Valencia, copou os dous primeiros premios do XVI Concurso Internacional de Deseño Industrial do Moble convocado polo Centro Tecnolóxico do Moble e a Madeira (Cetem). O primeiro premio corresponde a unha mesa versátil e ecolóxica, cuxo prototipo está realizado pola empresa yeclana Río Mobiliario.

As Nacións Unidas estiman que 1100 millóns de persoas en todo o planeta carecen de acceso á auga potable, e que 1.6 millóns de nenos morrerán cada ano debido á devandita carencia.
Unha posible solución, levada xa a cabo a "escala reducida", é a desalinización da auga salgada, xa que esta representa o 98% de toda a auga do planeta. O problema é o seu alto custo.