Un estudo atopa hórreos galegos en Australia e Nova Zelandia.

GCiencia fíxose eco do estudo do historiador Robert Langdom de 1975, e a repercusión do artigo foi motivo do monólogo de entrada do programa televisivo de Andreu Buenafuente na Sexta.

Sindicatos e oposición denuncian o colapso dos hospitais públicos.

A morte dunha muller despois de agardar tres horas a que a atenderan en urxencias desata unha treboada política.

O Sergas di que foi un "desagradable desenlace" pero desvincula a situación dos recortes públicos. Con todo, a Xunta rebaixou 400 millóns os orzamentos en sanidade en catro anos.

O pais e nais dos 195 alumnos do CPI de Panxón poden consultan as cualificacións, as faltas de asistencia ou solicitar unha titoría desde os seus dispositivos móbiles. Desde o ano pasado a Xunta de Galicia colocou a este centro (único na área de Vigo) dentro do programa experiencia da aplicación AbalarMóbil, que permite o seguimento escolar dos estudantes.
As familias que descarguen a aplicación poderán consultar desde o seu dispositivo móbil as cualificacións dos seus fillos, consultar e xustificar as faltas de asistencia, as faltas de conduta, os horarios e as materias, así como os avisos ou notificacións por parte do profesorado ou do centro educativo.

A Plataforma Galega polo Dereito ao Aborto, a Rede de Pontevedra pola Igualdade e a Sociedade Galega de Sexoloxía organizan es xoves 6 de febreiro unha carla informativa sobre a "Saúde Sexual e Reprodutiva das Mulleres".

A charla terá lugar no Centro Cultural Bolos da Carrasca en Parada ás 20h. 

-Desafiando a treboada un centenar de persoas concentráronse no “Día internacional contra o cancro” a prol dunha cobertura digna para os pacientes con esta doenza, diante do INSS en Coia.

Este martes 4 de febreiro “Día Internacional contra o cancro” tivo lugar unha concentración diante do Instituto Nacional da Seguridade Social (INSS) en Coia, na procura de protección socioeconómica para as persoas que sofren a enfermidade. Convocada por Beatriz Figueroa, paciente con esta doenza e autora dunha iniciativa parlamentaria a prol de garantir unha cobertura digna aos pacientes, case un centenar de persoas achegáronse para acompañala a pesar da treboada que afectou durante todo o día o país.

Desde esta semana, todos os anuncios publicados no Diario Oficial de Galicia están dispoñibles no móbil. A aplicación pode descargarse gratuitamente de Google Play Store para Android e de iTunes para iOS. A aplicación do DOG actualízase de xeito constante coa reutilización da información procedente da edición electrónica do Diario Oficial de Galicia que se publica no portal www.xunta.es. Está dispoñible tanto en galego como en castelán.
A aplicación permite consultar a información dispoñible no DOG do mesmo xeito que se faría a través da web, coas opcións de acceder ao último diario dispoñible, realizar unha busca para unha data concreta e consultar o contido directamente na aplicación e descargalo en formato pdf.

Galicia continuará na influencia da profunda borrasca situada sobre as Illas Británicas. Teremos polo tanto o mar moi alterado, con ondas que pola tarde superarán os 8 metros de altura e neve por riba dos 1000 metros no interior. Mantense a alerta laranxa de vento para hoxe e vermella no mar para mañá.

Pese a non contar con valoración sobre os danos provocados por esta cicloxénese explosiva ao seu paso polo Val Miñor,  internet publica a estas horas as fotografías de numerosos veciños dando conta dos importantes estragos na cidade Olívica. 

Árbores caidas sobre coches aparcados na rúa, e sinalizacións ciscadas nas principais arterias de entrada á cidade.

Han caído en #Vigo un feixe de #arboles. pic.twitter.com/idtMnwGdbx

— Alberto Sxenick (@AlbertoSxenick) diciembre 24, 2013

Se lle fascinan as cousas feitas con LEGO, amárrese ben ao asento e mire este vídeo porque esta obra de enxeñería vaino deixar coa boca aberta.