-Un incendio devorou unha vivenda familiar en Camos á vista indefensa de veciños e operarios do GES carentes de recursos materiais para combater o lume. 

-A única motobomba da comarca leva dous meses nun taller a falla de 15 mil euros para arranxarlla. Entrementres, Porriño e Vigo apagan os lumes da bisbarra con cargo á mancomunidade e supeditado á súa dipoñibilidade.

-O alcalde de Nigrán lamentou a perda dos postos de traballo nas peaxes de Vilariño os que entende responden a unha decisión da Xunta só avalada por datos "meramente económicos vinculados a la consecionaria".

A postura de Valverde torna en apenas 24h logo de que onte manifestara no Faro de Vigo que os despidos eran "Inaceptables" e comprometíase a "esigir" ante a Xunta o mantemento dos empregos.

O alcalde de Nigrán, o popular Alberto Valverde declara estar a prol da gratuidade do servizo da autoestrada AG-57 nos traxectos que descorren dentro da comarca do Val Miñor.Así o informou na tarde deste martes 14 de xaneiro nun comunicado no que adianta que "remitirá a la administración autonómica " dita solicitude no próximos días. As afirmación danse no marco dun escrito onde o rexedor "lamenta a perda de postos de traballo nas peaxes da comarca", resolto pola concesionaria en acordo coa Xunta de Galicia.

Esquerda Unida denuncia que volveron a desaparecer as denominadas cabinas manuais das saídas da autoestrada en Vilariño. Sinalan que a concesionaria as elimina a pesar de que a Axencia Galega de Infraestruturas afirmou o pasado ano que tomaría medidas "no marco do contrato" se a concesionaria non mantén unha persoa na cabina as 24 horas do día.
Coa medida que está a adoptar a concesionaria, Esquerda Unida estima que se van a perder 10 postos de traballo, sen que se produza ningunha beneficio para a veciñanza do Val Miñor, como podería ser a liberalización da peaxe na "circunvalación" do Val Miñor. Aseguran que esta medida, ademais de resultar un prexuízo para as persoas usuarias da autoestrada, "so vai a servir para aumentar os beneficios da empresa concesionaria, a costa da eliminación de 10 postos de traballo, nunha comarca onde non fai mais que crecer o paro".

Unha familia da parroquia de Priegue (Nigrán) atopa un mexillón xigante de 26 cm de longo por 15 cm de ancho na Praia Ladeira en Baiona. O exemplar foi amosado esta mañá ás cámaras da RTVG. A familia especula co xeito das últimas treboadas que poderían ter empurrado o molusco dende as profundidades, seguramente desde varias millas da costa. Agora esperan que seque para vernizarllo e gardar como adorno na casa.

Centos de persoas acuden estes días ás zonas máis batidas polo mar nos concellos de Baiona, Oia e A Guarda.

As cámaras captan imaxes que poñen en evidencia a forza do mar na costa Atlántica.

Galicia continuará baixo un episodio de chuvias e fortes ventos tanto no mar como en terra que afectarán ao litoral norte e zonas altas do interior. No mar haberá intervalos de forza 8 e as ondas superarán os 8 metros de altura a partir do mediodía.

Aínda que os sistemas de borrascas do norte comenzan a debilitarse, continuarán achegando ondas de mar de fondo por riba dos 5 metros en todo o litoral Galego.

O Dirk pasou polo Val Miñor e tamén deixou a súa pegada. Caída de muros, desprendementos de fachada e cortes de luz en Nigrán ao que se suma o que xa é una habitual nos momentos de choiva, o rebordamento do río Miñor en Gondomar.

Case 33.000 fogares continúan ainda sen luz en toda Galicia. Parroquias de Camos e Priegue continuaban esta mañá sen suministro de luz e sen hora para restablecer o servizo.

A noticia publicada onte puxo de manifesto as deficiencias e a precariedade coa que traballan os 11 bombeiros da mancomunidade do Val Miñor (GES) e a falta de protección que contan os veciños ante unha situación de emerxencia por lume.

O Val Miñor non conta con ningún equipo de extinción de incendios salvo varios extintores e unha sulfatadora. O servizo de extinción está sendo prestado polos bombeiros de Vigo e Porriño, según disponibilidade.

O alcalde de Nigrán, e presidente da mancomunidade do Val Miñor, Alverto Valverde,deféndese ante as críticas e asegura que o GES dispón dun vehículo lixeiro cunha bomba de auga para pequenos incendios, e anuncia a apertura dunha investigación para determinar se houbo algunha neglixencia na prestación do servizo.