O alcalde de Gondomar, Fernando Guitián, nega que o anterior goberno do tamén popular Martín Urgal deixase listo para someter a aprobación inicial o Plan Xeral de Ordenamento Municipal (PXOM). Guitián asegura que existen informes coincidentes, tanto da Xunta de Galicia como dos técnicos municipais, enumerando deficiencias técnicas "que hai que corrixir". Con estas declaracións, o rexedor quixo saír ao cruce das acusacións vertidas polos opositores Partido Socialistas e Iniciativa por Gondomar, os que acusaron á administración municipal de "bloquear" o trámite aprobatorio.

Unha avaría no barrio de Toucido, na parroquia de Gondomar, está a verter augas fecais nunha levada de rego que desemboca no Río Morgadáns. Unha tapa de sumidoiro levantada nese sitio comprometen tamén as augas do Muíño de Quintas, un dos escasos muíños operativos da bisbarra miñorana, ao cal moitas veces acuden os nenos dos colexios da zona a mirar o seu funcionamento.

O Bloque Nacionalista Galego xa presentou denuncia ante Augas de Galicia, SEPRONA, e anuncia que pedirá explicacións ao goberno municipal de Gondomar no transcurso do pleno da corporación a celebrarse este xoves 15 de setembro.

O vindeiro domingo día 11, o Club Ciclista Gondomar, organiza, en colaboración coa Concellaría de Deportes, a XIII Marcha Cicloturista Concello de Gondomar. O evento, aínda pendente de peche de inscricións, xa conta con máis de 100 competidores anotados.

{plusone} En Gondomar as cifras oficias do paro indican que o mes de agosto deixa 21 persoas menos na busca de traballo ca xullo. A cifra é a mellor das obtida polos concellos miñoranos, xa que tanto Baiona como Nigrán rexistraron un leve aumento do paro no mesmo período. No caso da Vila Real , o aumento foi dun 1.72% e en Nigrán dun 1.84%, ambas as dous moi por riba do 0.71% rexistrado na media para toda Galicia.

O BNG denuncia a realización dunha obra na PO - 341 (Vincios - Couso), presuntamente de saneamento, da que non consta, segundo esta forza política, información no Concello de Gondomar nin na Entidade Local Menor de Morgadáns. Os traballos estaríanse a desenvolver dende hai algúns días na marxe dereita da recentemente restaurada estrada, nun treito duns 200 metros de lonxitude sobre solos rústicos, á altura de Padróns - Morgadáns. Por mor disto, foron levantadas as cunetas de formigón recentemente feitas e cortado o tráfico Prados - Vilas. Ademais da falla de información, o concelleiro nacionalista Antonio Araúxo cuestiona que nese lugar non se dá servizo a ningunha vivenda nin barrio, e pregúntase se trátase dun despiste da Xunta de Galicia o si detrás disto hai unha " a intención de favorecer algunha actuación especulativa, xa que estamos falando de solo rústico forestal, a longo ou medio prazo?"

A Deputación de Pontevedra subvenciona con máis de 18.000 euros a diferentes asociacións do concello de Gondomar. A deputada provincial, Marta Igrexas, entregou no concello, ante o alcalde Fernando Guitián, e os concelleiros Patricia Durán e Carlos González, as axudas aos representantes das asociacións.

San Cibrán celebrou nunha espectacular tarde de domingo o seu tradicional curro da mosca. A carón da Portavedra, na parroquia de Donas (Gondomar),os propietarios dos cabalos ceibes do monte, acompañados de familiares, veciños e “amigos dos curros” fixeron o tradicional cordón humano para que os cabalos ingresaran ao curro sobre o medio día. Estes animais que pacen polas chairas da chan do Cereixo, xa foran marcados e vacinados no pasado mes de xullo. Agora tocoulles a quita de parásitos e marcaxe dos poldros que naceron despois do pasado curro.