Gondomar
O alcalde de Gondomar, Fernando Guitián instou esta tarde á Comisión de Festas de Vincios para que retire as pancartas da chourizada e magosto programada para o vindeiro 19 de novembro. O alcalde Guitián, acusou á comisión de veciños de facer uso dos emblemas municipais sen autorización e advertiulles das responsabilidades que puidesen derivarse en caso de incumprimento. A media foi tomada logo de que o BNG denunciara que o devandito acto, onde participaban connotados militantes do PP local, tiña carácter electoralista e coincidía co último día de reflexión antes das eleccións xerais do vindeiro domingo.
O BNG acusa ao Concello de Gondomar de patrocinar una chourizada con intencións electorais, 24 horas antes das eleccións xerais. O evento denunciado terá lugar o vindeiro 19 de novembro no torreiro de festas de Vincios e nos carteis de información figura o logo do Concello e mais o da Concellería de Cultura do municipio. O concelleiro Antonio Araúxo (BNG) agrega que o acto contará cunha orquestra propiedade dun destacado activista do PP da parroquia de Vincios. Os nacionalistas anuncian que porán o feito en coñecemento da Xunta Electoral de Zona e pedirán contas no vindeiro pleno da corporación.
Coa aprobación dun recoñecemento extraxudicial de crédito e mais un suplemento crediticio durante o pleno municipal deste xoves, o Concello de Gondomar pagará 288.953,16€, en concepto de débedas atrasadas. As mocións foran presentadas polo bipartito gobernante (PP-CDL), e contou cos votos do concelleiro Manuel Gómez (IXG), integrante do anterior goberno de Martín Urgal (PP). O BNG votou en contra, desconforme coa maneira co que goberno municipal tramita e decide que facturas se pagan e cales non. O PSOE optou por absterse na votación.
O alcalde de Gondomar Fernando Guitián reiterou no pleno as actuais restricións para dar licenzas urbanísticas no municipio ata que non se aprobe o Plan Xeral de Ordenamento Territorial. Informou que no seu mandato non se ten outorgadas e que aínda tardarán en resolverse as solicitadas naqueles núcleos que previa revisión dos seu expedientes e dos informes dos técnicos municipais sexa posible dalas. As declaracións do rexedor foron dadas a raíz dunha moción do BNG que solicitaba un acordo para que aqueles núcleos que estivesen en condicións de ser aproveitados fosen postos na oficina de urbanismo a disposición dos veciños.
Un novo mitin celebrarase en Gondomar no marco da campaña electoral para as eleccións xerais do 20 de novembro. Neste caso será Esquerda Unida a que presentará o seu 
O número de desempregados no concello de Gondomar rachou a barreira do millar e medio da súa poboación activa ao 31 de outubro. O sector máis castigado foi o dos servizos con 48 novos casos, chegando a 650 o número de persoas que perderon o seu posto de traballo neste rubro. As mulleres son as máis afectadas pola falla de emprego neste municipio, có 51.84% do paro rexistrado. Os 83 novos casos rexistrados pola Consellería de Traballo e Benestar durante o mes de outubro para Gondomar, revelan que a cifran medrou nun 5.68% co respecto a setembro. A media do crecemento do paro para toda Galicia foi do 3.96%.
O goberno de Gondomar necesita facer fronte a 288.953,16€, en concepto de débedas atrasadas. Para iso, de non haber sorpresas, a maioría de 9 concelleiros do bipartito PP-CDL, aprobará no pleno municipal deste xoves 3 de novembro, un recoñecemento extraxudicial e mais un suplemento crediticio que cubran esa cantidade. A devandita partida inclúe 73.953,23€ correspondentes a facturas presentadas pola concesionaria da recollida de lixo GESECO.
