O Centro de Información á Muller (CIM) da Concellería de Igualdade, dirixida por Nuria Lameiro, informa que se pon en marcha unha nova edición do campamento urbano Gondoverán coa colaboración da Deputación de Pontevedra.

O seu obxectivo é o de favorecer a conciliación da vida familiar e laboral durante o mes de xullo en horario de 9 a 14h con posibilidade de 8 a 15h, ao tempo que se potencia o desenvolvemento integral da nena/o a través dunha programación que combina o xogo con actividades creativas, culturais e coñecemento do entorno próximo, dende unha pedagoxía do lecer baseada na educación en igualdade e hábitos saudables.

Como novidade este ano poderase solicitar por quincena ou todo o mes completo.

Contarase con 100 prazas para rapaces e rapazas que teñan o seu empadroamento no Concello de Gondomar nados entre os anos 2008 (non poderán facer 13 anos antes da finalización do campamento) e 2018 (deberán ter feitos 3 anos ao inicio do campamento) e cuxos proxenitores sexan persoas traballadoras en activo (por conta allea ou propia). En caso de quedar prazas libres serán admitidos/as doutros concellos, con preferencia de aqueles cuxos proxenitores ou titores/as legais sexan persoas traballadoras no municipio de Gondomar. Estas prazas serán adxudicadas por orde de entrega de documentación a través do Rexistro no Concello ou na sede electrónica.

A inscrición realizarase do 3 ao 13 de maio a través do Rexistro Xeral do Concello de luns a venres en horario de 9.00 a 14h ou ata as 23.59h do 13 de maio a través da Sede Electrónica.

Para calquera dúbida as persoas interesadas poderanse dirixir ao CIM, na Casa da Cultura, no teléfono 986 389 355 ou no seguinte correo electrónico: Este enderezo de correo-e está a ser protexido de robots spamers, precisas activar o JavaScript para velo

A partir do 1 de xuño dará comezo o curso monitor/a acompañante de transporte de persoas con mobilidade reducida.
Os participantes durante 30 horas desenvolverán un programa teórico: normativa reguladora, tipos de transporte e requisitos, transporte de persoas con mobilidade reducida, etc. e un programa práctico: no que traballarán control de rampa de accesos, coñecemento dos puntos de anclaxe, subida e baixada das persoas con mobilidade reducida, primeiros auxilios e uso de desfibriladores.

O home prendeu cinco focos nas inmediacións da finca do Conde e fixo fotos do lume no seu móbil, segundo da conta a Garda Civil.

O home estaba no lugar mentres os bombeiros e veciños protexían as súas casas, a escasos dez metros.

O Plan Concellos acada un grao de adxudicación do 51%, o que representa un investimento na vila de 446.857,07 €

A Xunta de Goberno da Deputación de Pontevedra aprobou unha achega de 63.930,54 € dentro da liña 1 –investimentos– do Plan Concellos para a realización de obras de conservación e mantemento do material de cubrición do polideportivo municipal, un investimento no que se inclúen a execución das obras e a redacción do proxecto técnico.

Investíganse a tres persoas por senllos delitos contra os recursos naturais, o medio ambiente e falsificación de documentos.

A Garda Civil investiga a tres persoas acusadas da comisión dun delito contra o medio ambiente e os recursos naturais tras descubrir un almacenamento, supostamente ilegal, de residuos perigosos no municipio de Gondomar.

A investigación iniciouse a finais do ano pasado polo Equipo do Seprona de Vigo cando tivo sospeitas de que se estaban utilizando residuos de construción e demolición mesturados con asfalto no reencho da obra dun cemiterio no municipio de Tomiño.

Xosé Luís Méndez Ferrín, candidato ao Senado pola provincia de Pontevedra, atópase entre a lista de persoeiros políticos que acompañarán a presentación electoral de En Marea en Gondomar. Esta forza política que congrega en Galicia a PODEMOS, ANOVA e Esquerda Unida, xunto con outras formacións independentes, presentará as súas propostas cara as eleccións xerais do vindeiro 26 de xuño. O acto terá lugar este venres 17 de xuño ás 19 horas o Auditorio Municipal Lois Tobío.

Desenvolvemento de proxectos de investigación; organización de cursos, conferencias, simposios e seminarios; apoio a investigadores e estudantes; colaboración en proxectos culturais de interese común... A Universidade asinou este luns dous convenios de colaboración coa comunidade de montes da parroquia de Couso en Gondomar, un acordo marco xeral que promove a colaboración entre ambas entidades e outro específico para a posta en marcha de diferentes accións de I+D colaborativo no ámbito da sustentabilidade social e ambiental na xestión do monte comunal.

O alcalde, que mantivo xa tres reunións coas dúas empresas -ATSA e MELYTOUR- atisba "discretos avances nas negociacións".

Gondomar é xunto con Vigo o único municipio que permanece á marxe do convenio do transporte metropolitano da Xunta e así continuará mentres a administración autonómica non medie no conflito que manteñen as dúas compañías que prestan este servizo no municipio.