GondomarGondomar
O BNG de Gondomar presenta a súa lista de candidatos este venres no Auditorio Lois Tobío.
O BNG Gondomar presentou a súa lista de cara ás eleccións de maio de 2011
Un equipo integrado por profesionais, amas de casa, estudantes, obreiros, autónomos e tamén parados, provenientes das dez parroquias de Gondomar acompañará ao candidato nacionalista Xosé Antón Araúxo na tarefa de recuperar o goberno do concello de Gondomar. O BNG reitera o equipo de concelleiros que administrou o municipio entre 2007 e o 8 de xullo de 2009, “que agora repiten pola súa valía e compromiso demostrados.”, informa Pepe Valverde, responsable local da agrupación. Este núcleo de goberno queda reforzado coa incorporación de Emilio García Crego ex director de Caixanova en Gondomar durante catorce anos e, Milagres Chapela, especialista no mundo da administración de empresas e fundadora do colectivo de mulleres Arealoura.
O BNG denuncia dilapidación dos cartos públicos nunha campaña de "Pan e Circo" do PP por Gondomar.
O BNG acusa ao presidente da Deputación Rafael Louzán de utilizar os cartos públicos para satisfacer intereses partidarios. Esa é a única explicación que atopan os nacionalistas de Gondomar para explicar un investimento dun millón de euros na restauración dun campo de fútbol privado, en Chaín, unha parroquia de 800 habitantes. O Bloque de Gondomar informa que moitos deles carecen de servizos básicos como o saneamento e sofren o risco cotiá da inseguridade da súa principal estrada. A devandita obra foi asinada por convenio entre a administración provincial e o Concello de Gondomar o pasado mércores 9 de marzo. Segundo o acordado á administración local correspóndelle cubrir o 25% da inversión, polo que os nacionalistas preguntan " de onde vai sacar o Concello 250.000€, e a quen lle van deixar o pufo ou, a conta de que servizos, pago a provedores, etc, quedarán sen atender".
Melloras no Auditorio Lois Tobío de cara á Mostra de Teatro de Marzo a inaugurarse o Día do Pai.
A Concellería de Cultura do Concello de Gondomar acometeu diversas obras de mellora das instalacións do Auditorio Municipal. Así, instalouse un novo pano motorizado e arranxáronse as cortinas laterais das portas de acceso. Ao mesmo tempo, e xa pensando nas compañías teatrais, instaláronse barras electrificadas para colgar os focos, con dimer e unha mesa de iluminación propia. Ata o de agora o Auditorio carecía de calquera instalación técnica, informan dende a Concellería de Cultura dirixida por Ignacio Troncoso. O Concello de Gondomar conmemorará o Día Mundial do Teatro cunha programación especial o venres 25, sábado 26 e domingo 27 de marzo. Actuarán A Contrabutaca, Fulano, Menga e Citano e Talía Teatro.
Alfonso De Lis despexa dúbidas e preséntase como candidato a alcalde pola independente IPG.
Alfonso De Lis, concelleiro non adscrito (ex PSOE Gondomar), confirma a súa vontade de presentarse como candidato a alcalde no concello de Gondomar. O actual 1º Tenente de alcalde e concelleiro de Urbanismo tiña rexistrado o partido Iniciativa por Gondomar pero mantivo en dúbida ata hoxe a súa decisión. O anuncio e presentación pública da candidatura terá lugar entre o próximo venres e o día martes da próxima semana.
Rafael Louzán pediu "tempo e calma" aos populares de Gondomar pero non resolveu o conflito interno.
Finalmente produciuse esta tarde a reunión do presidente provincial do PP Rafael Louzán con membros da Xestora local, presidida por Eladio Balgiela, en Gondomar. Segundo fontes populares, o presidente Louzán pediu "tempo e calma" para solucionar o actual enfrontamento entre o grupo municipal e o actual candidato a alcalde Fernando Guitián. A decisión de Guitián de deixar fóra da lista ás municipais aos actuais concelleiros do PP, non foi rexeitada nin confirmada por Louzán, afirmaron.
Un investimento de un millón de euros recibirá o campo de fútbol da parroquia de Chaín, Gondomar.
A Deputación de Pontevedra firmou un convenio co Concello de Gondomar para a equipación e colocación dun piso sintético no campo de fútbol da Parroquia de Chaín, Gondomar. A inversión por 1 millón de euros podería ademais, incluir a mellora do camiño que comunica o devandito centro deportivo coa estrada Vincios - Couso, para permitir o ingreso dos autobuses e unha circulación máis fluída que a que permite o actual vial.
Latente a renuncia masiva de concelleiros de goberno e cisma electoral no PP de Gondomar.
A posibilidade dunha renuncia masiva dos cargos de goberno e a formación dunha lista independente está latente nesta fin de semana no Partido Popular de Gondomar. A nova de que os principais edís con cargos de goberno quedarían fóra da lista ás municipais de maio, foi interpretada como unha "puñalada a traizón" por os que "por disciplina partidaria levaron adiante a moción de censura en 2009" e agora ven como un novo grupo"que nunca estiveron nin se lles viu nestes catro anos", se "arrima" e promoven esa decisión no candidato a alcalde Fernando Guitián, afirmaron fontes da xestora local do PP Gondomar a Valminor.info.
MOCIÓN=CORRUPCIÓN celebra a penúltima "cacerolada de indignación" ás 20h en Gondomar.
Hoxe ás 8 da tarde, celebrarase a penúltima "cacerolada de indignación" coa que a Plataforma Veciñal MOCIÓN=CORRUPCIÓN se manifesta cada sábado primeiro de mes diante do Concello de Gondomar. A protesta "veciñal democrática contra a corrupción, a traición aos cidadáns, e as politicas que avergoñan a un pobo coa perversión que supón o transfuguismo" vai chegando ao seu fin, asegura a plataforma. Os convocantes informan que darán por cumprida a súa "actitude democrática e de loita a prol da hixiene e a rexeneración política".
JPAGE_CURRENT_OF_TOTAL
