Gondomar
O concelleiro do goberno tripartito de Gondomar, Manuel Núñez Sestelo presentou unha moción con carácter urxente no pleno municipal para dar cumprimento a unha sentencia xudicial que ordena catalogar como privada unha pista rural de Guillufe que consta como pública no Inventario de bens municipais .
A resolución plenaria denunciou como “prevaricador” ao ex rexedor nacionalista Xosé Antón Araúxo por soster o carácter público da mesma durante o seu goberno. A moción que foi aprobada pola totalidade dos 12 concelleiros oficialistas tamén pide o traslado dos informes á fiscalía para que determine se o líder nacionalista é responsable da comisión dun delito. Pola súa banda,a agrupación municipal do bloque catalogou á moción como un acto de “nocturnidade e alevosía”e manifestou que a mesma era un “último favor” que facía “un cadáver político” en alusión ao concelleiro Manuel Núñez .
A situación das máis de catrocentas altas de empadroamento que estaban sen rexistrar dende xuño do ano pasado están en vías de normalización, asegurou a concelleira de Persoal de Gondomar, Natalia Salgueiro. O funcionario que estaba en usufruto dunhas vacacións traballa dende onte na actualización dos padróns a través do novo softwer mercado pola administración . A concelleira Salguerio tamén informou que xa se pode solicitar no Concello os volantes de empadroamento. Estes comprobantes son gratuítos, se entregan no mesmo momento da solicitude, sendo válidos para a maioría dos trámites onde o certificado de empadroamento e solicitado.
A mesa sindical do Concello de Gondomar onde é maioría a Confederación Intersindical Galega (CIG) participará da folga xeral convocada para mañá 27 de xaneiro pola central nacionalista. Dende hai tempo o comité da CIG ven informando aos funcionarios da administración dos fundamentos da convocatoria, polo que se espera unha boa resposta. A mesa tamén dispuxo un conxunto de medidas para dotar de servizos mínimos ao concello.
Os nacionalistas manifestaron a súa preocupación pola sorte dunha subvención outorgada pola Xunta de Galicia ao Concello de Gondomar, có fin de executar un proxecto de tendido de fibra óptica no polígono industrial de A Pasaxe. O orzamento total concedido pola Consellaría de Economía e Industria foi de 875.630 euros dos que 250 mil se entregarían en 2010. A data límite sinalada para executar as actuacións que fosen obxecto da subvención e para xustificar o correspondente investimento rematou o pasado 30 de novembro. A falla de actuacións e resposta oficial nesa data provocou a alarma do grupo nacionalista que a comunicou nunha rolda de prensa na súa sede. Pola súa banda a concelleira Natalia Salgueiro (PP) asegurou que o goberno ten o compromiso da Xunta da ampliar dito prazo ata o fin do primeiro trimestre de 2011 e que as obras comezarán en febreiro próximo.
As carpetas coas máis de 400 solicitudes das altas de empadroamento seguen na mesma cadeira á espera de ser rexistradas no Concello de Gondomar. A imaxe fotográfica tomada onte polo candidato do PSOE Juan Francisco Ferreira puido ser contemplada “en vivo e directo” polas persoas que se achegaron esta mañá polo despacho de atención ao público da Casa Consistorial . De feito, a muller de Ferreira cuxa solicitude leva meses sen rexistrarse concorreu nesta xornada a solicitar o volante de empadroamento anunciado pola concelleira Natalia Salgueiro, o que non lle foi outorgado polo funcionario por non estar aínda dispoñible o servizo.
