O Secretario Xeral dos socialistas, Francisco Ferreira, solicitou logo dunha xuntanza cos veciños da parroquia de Vilaza, a reparación inmediata do alumado público, o saneamento dos barrios que carecen dese servizo, e medidas para a regulación do aparcadoiro fronte do xereátrico Vila do Conde.

A solicitude feita ante o goberno tripartito, partiu dunha reunión celebrada no Centro Cultural de Vilaza. Nesa ocasión, os veciños manifestaron que tódolos días saltan os limitadores dos cadros eléctricos por deficiencias na rede, "que non chegan funcionarios nin sequera se molestan en darlles aos machetes do cadro eléctrico cara a arriba".

Ao igual que en Baiona e Nigrán, o Concello de Gondomar buscará xestionar a construción da piscina municipal a través dunha empresa que se encargue da construción e explotación da mesma, sen que teña a administración que financiar a obra. Esta é a saída que queda logo da rescisión obrigada que terá que asumir logo do ditame do Xulgado do Contencioso Administrativo que obriga a indemnizar con máis de 90 mil euros a empresa portuguesa Telhabel Construçoes que gañou a adxudicación do ano 2007 e non puido facer os traballos por falta das actualizacións ao novo código técnico de edificación nin a acta de reformulación requirida ao concello.

Unha muller foi atopada sen vida pola súa parella sentimenta lnunha vivenda en Brandufe, Parroquia de Vincios, Gondomar. Segundo fontes policiais a muller, duns 24 anos, tiña unha ferida mortal de arma de fogo. A morte tería acontecido onte, sobre as 18:30 horas.

Coa modalidade de moción de urxencia o goberno de Gondomar aprobou o orzamento municipal 2010 por máis de 7 millóns e medio de euros e un recoñecemento extraxudicial de crédito por valor de máis de 74 mil.

A abafadora maioría coa que conta o sector oficial (12 concelleiros en 17), permitiu que o pleno se desenvolvese case sen debate. Salvo algunha breve intervención da concelleira de Economía, Facenda e Persoal, Natalia Salgueiro (Partido Popular), para informar do xeito legal dalgunhas modificacións, o pleno transcorreu nun monólogo do representante nacionalista, Paulino del Río, argumentando pola contra, só interrompido ao momento de votar.

A actriz galega Mela Casal, convertida por maxia do celuloide na sinistra matriarca Marica Alberro, traza un escuro plan ante os seus irascibles fillos Toni e Juan, encarnados polos tamén actores galegos Xabier Deive e Monti Castiñeiras. Mela, que polo seu caracterización na mini serie “Conexión” parecería unha entrañable abuelita que fai os seus labores, domina o diálogo e a situación... ¿Pero todo?