O enxeñeiro e veciño de Gondomar Fernando Guitián foi finalmente o elixido pola diretiva provincial do PP para encabezar a lista ás eleccións municipais 2011 no concello. O candidato non é afiliado ao PP e non mantiña actividade nas súas filas. O seu nomeamento estivo precedido de sendas reunións mantidas nestes últimos días cos membros da xunta xestora local que apoiaban a candidatura da concelleira Natalia Salgueiro. Segundo o presidente local do PP Gondomar, Eladio Bargiela, Guitián contará có apoio dos dous pre candidatos que se manexaban ata de agora, a concelleira Salgueiro e mais o ex secretario xeral local Xosé Manuel Dacosta.

Para chegar a Baiona dende Gondomar en transporte público se debe abonar un boleto de 1,20 € até A Ramallosa e logo esperar, a veces até media hora, outro bus que por 1,15 € deixa aos pasaxeiros na Real Vila, total 2,35€ por unha viaxe de uns 8 km. Mentres que para percorrer os mais de 20 km que separan a Gondomar de Vigo, o custe é de 2,20 €. Unha viaxe en transporte público dun veciño de calquera parroquia do concello ata o centro da vila de Gondomar non ten prezo: non existe tal servizo. Dende onte o Concello de Gondomar ten ingresado no Rexistro Xeral de Entrada unha proposta de Esquerda Unida Gondomar (UE-G) que propón unha moción para o inicio de negociacións coa empresa ATSA para a adxudicación dun transbordo Gondomar – Baiona a prezo dun só boleto e mais a creación dun servizo interparroquial que coincida co día do mercado local da vila.

Esquerda Unida (EU) xa está instalada na ágora política de Gondomar. Liderada por Josué Villar Ballesteros, de 23 anos e veciño de Mañufe , a sete meses da súa formación leva organizados dous foros de participación cidadá e varias denuncias e propostas na defensa do patrimonio público do Concello. Partidarios da “Democracia Participativa” como instrumento de cambio social, o grupo presentará lista nas próximas eleccións municipais. Nada nunhas xuntanzas de xente nova, EU Gondomar conta con 25 afiliados e a achega de mulleres e homes co experiencia no activismo social e sindical. Coa intención de convocar “á xente de esquerda de Gondomar, sobre todo aos que aínda non se senten representados”, Josué Villar foi proclamado candidato a alcalde de Gondomar o pasado 22 de xaneiro nun acto comarcal de EU no que participou a coordinadora nacional Iolanda Díaz.

A plataforma MOCIÓN=CORRUPCIÓN como tódolos primeiros sábados de mes manifestouse ás portas do Concello de Gondomar. Medio centenar de militantes maioritariamente nacionalistas,pero onde tamén se atopaban socialistas e membros de Esquerda Unida, simbolizaron unha vez máis a súa rexeita da moción que destituíu o goberno do BNG encabezado por Xosé Antón Araúxo o 8 de xullo de 2009. Unha caceroleada encheu o centro da vila dende as 20 horas e durante trinta minutos. Logo unha mesa con pratos preparados polos militantes e uns copos de viño deron calor e alegría a unha noite que comezaba a vir fría.

Finalmente a candidata ou candidato ao Concello de Gondomar polo PP se coñecerá nos próximos 15 días. O presidente provincial Rafael Louzán mantivo unha xuntanza de case dous horas coa xunta xestora local. Na mesma intentou convencer aos militantes que ben vale a pena esperar uns días máis para que o comité electoral da provincia se pronuncie. “Temos que elixir ao mellor candidato porque Gondomar é un concello moi importante”, manifestou Louzán. A reunión fíxose 48 horas despois de que a dirección provincial ordenara desconvocar unha asemblea de militantes populares de Gondomar que querían expresar o seu a apoio a Natalia Salgueiro ou Manuel Dacosta, os únicos pre candidatos locais que manifestaron publicamente querer participar da selección. Os dirixentes provincias deixaron claro tamén que a selección do candidato para Gondomar pode recaer nunha persoa diferente ás propostas polos militantes do municipio.

A concelleira Natalia Salgueiro manifestou estar “ilusionada” e coas “forzas necesarias” para levar adiante ao PP de Gondomar nas municipais de maio. Arroupada pola maioría da actual xunta local espera con incerteza a reunión que manterá en poucas horas có presidente provincial do PP Rafael Louzán. A concelleira que ata hoxe non había falado coa prensa da súa candidatura, adiantou que mais alá da súa ilusión estará a unidade e fortaleza do seu partido, polo cal acatará a decisión que hoxe o cando corresponda tomen as autoridades.

O grupo parlamentario do BNG por iniciativa do deputado Henrique Viéitez Alonso e as deputadas Carmen Adán Villamarín e Tereixa Paz Franco presentou unha Proposición non de lei no Pleno do Parlamento Galego , dirixida á Xunta de Galicia có fin de apoiar as xestións da Comunidade de Montes de Vincios a prol do non establecemento dun parque eólico no seus montes. Asemade, a iniciativa nacionalista tamén inclúe unha cláusula na que solicita ao goberno autonómico medidas de protección xeral para a Serra do Galiñeiro na súa totalidade.

Hoxe pechou o prazo de inscricións nos padróns municipais para votar nas próximas eleccións de maio e un número aínda non determinado de cidadáns dados de alta ou baixa no Concello de Gondomar entre xuño de 2010 e xaneiro de 2011 non figuran nas listas do Instituto Nacional de Estadísticas (INE). Ante a posibilidade de que este atraso afecte o dereito que ten o cidadáns de votar no concello onde viven, hoxe o candidato socialista Francisco Ferreira solicitou a través do rexistro do Concello unha certificación “da Secretaria Municipal (responsable do departamento)coas tramitacións de altas e baixas do Padrón Municipal de Habitantes , correspondente ó ano 2010.” Pola súa banda, a concelleira de Persoal Natalia Salgueiro aclarou que se ben hoxe pecha a posibilidade de inscribirse no padrón municipal, o Concello conta cuns días máis (non puido especificar nese momento cantos) para presentar a lista ao INE. A concelleira agregou que o persoal encargado da tarefa está traballando para cumprir cos prazos.