Gondomar
O Concello de Gondomar abre o prazo de presentación de solicitudes de Emerxencia Social para a adquisición de material escolar de Educación Infantil para o curso 2014-2015. As familias interesadas poden recoller e presentar as solicitudes no Departamento de Benestar Social do Concello ata o 16 de xuño preferentemente
Estas axudas deberán solicitarse de acordo cos requisitos establecidos na Ordenanza de Emerxencia Social do Concello, xa que están destinadas a familias con escasos recursos económicos.
Gondomar
#Gondomar abre liña de axudas para materiais de educación infantil cara o curso 2014-2015.
O BNG deu comezo á campaña cara ás europeas en Gondomar cun encontro con colectivos sociais.
Este mércores tivo lugar, no Centro Neural de Gondomar, un encontro do BNG con distintas entidades sociais do municipio, no que falouse sobre a importancia de ter presenza en Europa e sobre como afectan as decisións que se toman na Unión Europea. No encontro participou Manuel González Moreira, médico de familia, integrante da Plataforma en Defensa da Sanidade Pública, e candidato do BNG nas eleccións europeas.
Informe de EU prevé unha parálise urbanística en Gondomar de aprobarse o PXOM sen modificacións.
“Sería un grave erro por parte do goberno municipal” a aprobación inicial do PXOM nas condicións actuais, afirma Josué Villar, portavoz de Esquerda Unida Gondomar. Tras un estudo feito da actual redacción advirte que “os cálculos de poboación e vivenda, a arbitraria delimitación dos núcleos rurais, e os contraditorios informes da Xunta de Galicia” fan deste Plan Xeral “unha bomba de reloxería que tarde ou cedo vai estoupar”, con graves prexuízos para os cidadáns.
Un milleiro de persoas marchan pola Serra do Galiñeiro para pedir a súa protección
Un milleiro de persoas marcharon onte na V andaina reivindicativa pola protección da Serra do Galiñeiro como parque natural.
A marcha iniciuse padas las 10:30 dende a parroquia de Erbille, discurrindo pola vertente leste da serra, ascendendo ademais a algúns dos lugares máis prominentes como a Cova da Becha e o cume de A Garita.
Rexeitan que as crianzas “coman en plástico” e queren facerse oír no pleno de #Gondomar.
Pais contrarios ao uso das bandexas plásticas nos comedores escolares do Val Miñor estarán presentes no pleno de Gondomar do vindeiro luns 12 de maio. Tamén convocan a unha mesa informativa a desenvolverse o mércores 14 coa presenza de pediatras da bisbarra.
Os convocantes desexan “facer oír” o reclamo que partiu da ANPA do CEIP Souto Donas trala negativa da empresa que rexenta o comedor e o Concello de Gondomar de trocar o material plástico dos recipientes. Aínda que os mesmos son considerados legais pola normativa vixente, alertados por informes da Organización Mundial da Saúde, o colectivo entende que deben tomarse medidas preventivas e cambialos por outros de louza ou aceiro inoxidábel.
O xuiz de paz de Baiona falla a favor do preferentista denunciado por inxurias polo alcalde de Gondomar
A falta tería prescrito unha vez pasados seis meses dende os feitos, sen que se producise ningunha outra resolución xudicial que paralizase a prescripción da falta.
Xulio Vicente, portavoz da plataforma de afectados polas preferentes e subordinadas de Novagalicia Banco no Baixo Miño, quedou absolto onte da acusación por unha falta de inxurias contra o actual alcalde de Gondomar, Fernando Guitián, e a concellala de cultura, Paula Bouzós.
Axilizan o plan sectorial de A Pasaxe evitando sometelo ao procedemento de avaliación ambiental.
A resolución adoptada pola Consellaría de Medio Ambiente da Xunta de Galicia foi dada a coñecer este venres no DOG coa publicación da memoria ambiental da Modificación do proxecto sectorial da Pasaxe, que afecta os concellos de Gondomar e Vigo. O documento que entre outras disposicións legaliza a situación de tres naves na zona de inundación do río Zamáns, dá por bo un “axuste do estudo hidraulico” do que só esixe quitar a recanalización feita para a instalación dun lavadoiro de coches efectuada anos atrás por a gasolineira Combustibles del Noroeste S.A.
A decisión de non someter ao procedemento de avaliación ambiental o proxecto sáldase cun breve “sen prexuízo dos informes e autorizacións que sexan preceptivos de conformidade coa normativa sectorial aplicable”. A orden datada o 9 de abril de 2014 ven asinada por Justo de Benito Basanta, secretario xeral de Calidade e Avaliación Ambiental.
Denuncian máis desfeitas e desleixo na conservación dos petróglifos da Serra do Galiñeiro.
Petróglifos utilizados de aparcadoiros, talas enriba das estacións arqueolóxicas, espallamento de entullo, falla de sinalización e novos riscados sobre "A Pedra das Procesións" en Agua da Laxe son algunhas das desfeitas denunciadas por Pablo Casal tras unha percorrida didáctica este martes pola Serra do Galiñeiro.
O goberno de #Gondomar fai unha nova entrega da documentación do PXOM á oposición.
-O concelleiro de urbanismo, Carlos Lameiro , anuncia que o documento se fará público na web municipal nos próximos días.
JPAGE_CURRENT_OF_TOTAL
