-A ANPA e a Dirección do Colexio aseguran ter denunciado esta situación en numerosas ocasións, sen por agora ter resposta do Concello de Gondomar, que continúa sen enviar a Policía Local ao centro escolar para controlar o tráfico no horario de saída do alumnado.

-ANOVA adianta que a denuncia promovida por Fernando Guitián contra os preferentistas que o perseguiron tras o pleno da Mancomunidade foi presentada na súa calidade de alcalde de Gondomar e non a título persoal como manifestou publicamente no pleno da semana pasada.

Os nacionalistas acusan a Guitián de mentir  ao pleno e aos afectados presentes, cando antes de suspender a sesión afirmou que non debatería o tema da denuncia co portavoz da Plataforma de afectados do Baixo Miño, Xavier Vence, pois a tiña feito en carácter persoal e non como rexedor.

Nese senso, ANOVA comunica que  solicitará que o Pleno da Corporación Municipal de Gondomar inste ao alcalde Fernando Guitián a retirar “todas as denuncias postas contra as persoas por el denunciadas en relación cos actos acontecidos o pasado 30 de abril en Baiona, comezando pola que lle afecta ao voceiro da Plataforma de Afectados polas Preferentes,  D. Xulio Vicente González”.

Este xoves 10 de outubro o portavoz da Plataforma de afectados polas preferentes e subordinadas do Baixo Miño, Xulio Vicente terá unha vista oral no xulgado Nº3 de Tui. O motivo desta vista é a denuncia que Fernando Guitián, alcalde de Gondomar ten interposta a Xulio Vicente, tras os incidentes do pasado pleno da Mancomunidade do Val Miñor, do pasado mes de abril.

-O centro localizado no lugar de Os Casás - Donín, parroquia de Vincios, foi inspeccionado  en dúas oportunidades pola Policía Nacional e o SEPRONA que deixaron constancia que nas instalacións trabállase con razas cualificadas como “potencialmente perigosas”, sen as necesarias precaucións de seguridade, ademais de carecer de licenza municipal e títulos profesionais homologados pola Xunta de Galicia.  

O Pleno de Gondomar que tiña lugar este xoves 3 de outubro foi suspendido aos poucos minutos do inicio por decisión do alcalde popular Fernando Guitián.

O voceiro da plataforma de afectados polas preferentes do Baixo Miño, Xulio Vicente, acompañado por outros membros do colectivo comezaron a increpar ao rexedor por denunciar xudicialmente a Xulio Vicente tras os incidentes do pleno da Mancomunidade do Val Miñor, o pasado mes de abril.

A plataforma de usuarios do transporte público en Gondomar quere que a Xunta "escoite por boca das persoas afectadas as graves deficiencias que temos en materia de transporte no Val Miñor e a odisea que supón ir de Gondomar a Vigo en bus en pleno século XXI". Para iso, manterán o vindeiro luns 7 de outubro ás 13 horas unha xuntanza con María José Bravo Bosh, delegada territorial da Xunta en Vigo.

Un grupo de operarios do Concello de Gondomar atopou un antigo paso de pescadores entre as silveiras durante unhas tarefas de limpeza do río Zamáns, á altura da Praza de Abastos. Dende o Concello sinálase que o lugar foi acondicionado polos traballadores retirando a vexetación que o cubría.

-Co apoio do Concello de Gondomar, 50 voluntarios da Asociación de Pescadores A Troita Rebelede e o Proxecto Ríos recolleron dúas toneladas de lixo dos ríos Zamáns e Miñor.

- Plásticos, cristais, botellas, rodas e entullo de variado tipo foron atopados en dúas xornadas de limpeza que deixan ao descuberto prácticas contaminantes que utilizan as canles hidrográficas como vertedoiros en varios puntos do concello de Gondomar.

As principais arterias hidrográficas de Gondomar estanse a converter nunha verdadeira entulleira, onde toneladas de lixo son depositadas por mans anónimas nas augas que dan de beber e regan o Val Miñor. Así o amosan as dúas xornadas onde medio centenar de voluntarios saíron co apoio do Concello a botar unha man e retirar parte desta desfeita que contamina día a día os principais ríos do municipio.