-A concesionaria de transporte ATSA reduce a partir do luns a 8 quendas a frecuencia Gondomar - Vigo de luns a venres, a 3 os días sábados e tan só 2 para os domingos e festivos.
-Os novos horarios non están dispoñibles na terminal de Gondomar, nin son coñecidos polas autoridades locais. Tampouco que as novas rutas deixa de comunicar a vila condal co centro de Nigrán e Coruxo, pois eliminan os traxectos pola PO 552 (carreteira de Camposancos).

-O lume arrasou 15 hectáreas de A Raxada nos montes de Couso en Gondomar.

-Foron controlados dous principios de incendio en Fontán (Mañufe) e A Pasaxe (Vincios)

-Desigual sorte sufriron os petróglifos do Monte Tetón

Hoxe pola mañán os compañeiros de GondomarTV tentaron sen éxito, acceder á zona do ecoparque arqueolóxico do Monte Tetón, en Tomiño.

O chan da zona seguía ardendo polo subsolo, e as brigadas e o helicóptero traballaban desde primeiras horas para enfríar o chan e impedir novos rebrotes pola acción do vento.

Tres focos ameazaron a noite pasada na confluencia dos montes de Couso (Gondomar), Monte Tetón (Tebra - Tomiño) e preto da parroquia de Malvas en Tui.

Témese polo estado dos petróglifos do monte Tetón, o gravado rupestre de círculos concéntricos máis grande de Europa.

O lume comezou pasadas ás 21:30 da noite en Couso. O vento e a sequía que asola este verán en Galicia propagaron rápidamente as chamas nas zonas sinaladas onde foron desprazadas as brigadas que se atopaban extinguindo os rebortes de lume en Oia e O Rosal.

Un desnivel de catro metros a carón da estrada que comunica Baralla con Touteiras na parroquia de Morgadáns preocupa á veciñanza pola falla de valado que protexa a peóns e vehículos. A agrupación nacionalista ANOVA denuncia que tanto o Concello de Gondomar como a Entidade Local de Morgadáns foron advertidos hai un mes sen ter ata de agora resolto o problema nin recibido resposta por parte das autoridades.

A Consellería de Medio Ambiente, Territorio e Infraestruturas anuncia a licitación para despois do verán dun conxunto de melloras para executar de xeito inmediato en 37 estacións de autobuses galegas, entre as que se atopa a de Gondomar, mediante unha achega económica de preto de 1,6 millóns de euros.

-O BNG esixe explicacións ao alcalde de Gondomar sobre as actuacións de membros da súa formación política implicados en casos de corrupción relacionados co urbanismo no concello.
Ante a petición da Fiscalía de 2 anos de prisión, 22.500 euros de multa e oito anos de inhabilitación, por presunto delito de prevaricación contra o anterior alcalde de Gondomar, o popular Martín Urgal, e do seu concelleiro de Urbanismo Alfonso De Lis, o BNG de Gondomar denuncia que estase ante "un suposto caso de corrupción urbanística que afecta directamente, unha vez máis, ao Partido Popular do noso concello".

 “A mi me conocen por  lo que digo y no por lo que  callo” sentenciou o ex concelleiro de urbanismo de Gondomar, Alfonso de Lis ao comezo dun diálogo telefónico con Valminor.info. Consultado pola denuncia que a Fiscalía presentou contra el por mor dunha presunta prevaricación urbanística, asegurou: “No he cometido ningún delito. Esto se deriva de una denuncia falsa corroborada por dos técnicas. Lo voy a demostrar.”